Nima uchun ulg’ayotganda do’stlarni yo’qotishni boshlaysan?

“Do’stni yo’qotish” sen uchun qiyin bo’lsa kerak? E’tibor berganmisan vaqti bilan do’stlaring kamayib bormoqda? Bu haqida havotir olma, balki bu yaxshi hamdir.

Sen bilan qiziqmagan va sening qiziqishlaringni tushunmagan do’stlar bilan aloqada qolish nima uchun kerak? Ko’pincha, sen ulg’ayib borganda bir oddiy qaror qabul qilasan ya’ni  sen vaqtingni senga yoqqan insonlar bilan o’tkazishni boshlaysan. Haqiqatdan ham qadrdon va sodiq dos’tlarni topish qiyin va hayotda dono fikrlashga o’rganishimiz kerak.

Samimiyatsizlik va yo’lg’onni yomon ko’rishni boshlaysan

Sen ulg’ayib borasan va donolikga ega bo’lasan. Ba’zida sen ilgari gaplashib yurgan do’sting bilan bugundek yaxshi gaplasha olmasligingni ko’rasan. Sen samimiyatsiz do’stlaringni ko’rishni boshlaysan. Sen do’stlikda “sifat sondan afzalroq” ekanligini tushunishni boshlaysan. Sen ochiq va samimiy yaxshi do’sting bilan suhbat qilishni xohlaysan.

Senda kamroq vaqt bo’ladi

Ulg’ayish bilan senda ko’proq javobgarlik paydo bo’ladi va vaqting esa kamroq bo’ladi, munosabat esa orqa rejaga o’tishni boshlaydi. Shu narsa sodir bo’lganda, sen bo’sh vaqtingni qadrlashni boshlaysan va senga yoqmaydigan do’stlarga vaqt ajratishni istamasligingni tushunasan. Senga muhim  bo’lgan va yoqadigan do’stlarga bosh vaqtingni ajratishni boshlaysan.

Vaqt bilan do’stlik chuqurlashadi

Ulg’ayotganda, biz ishonchli bo’lmagan do’stlardan voz kechamiz. Sen bilan nafaqat yaxshi kunlarda, balki hayotning qiyin vaziyatlarida birga bo’lgan insonlar qoladi. Shunday insonlar bilan do’stlik munosabati yanada chuqurlashib boradi va sen haqiqiy do’stingni ko’rib boshqasini qidirmaysan. Shu bilan bu aloqa vaqti bilan mahkamroq bo’ladi.

Senda ko’proq tajriba paydo bo’ladi

Hammaga qullab-quvvatlab turuvchi do’st kerak va ulg’ayotganda sen kimga ishonishing mumkinligini ko’rishni boshlaysan. Bu narsa kim bilan qolishing kerakligi, kim bilan esa ajralib ketish vaqti kelganini bilish uchun senga yordam beradi.

Haqiqiy do’stona munosabatning bahosini – sen faqat tajriba orqali bilishing mumkin.