Boshqa insonlarga yordam berish uchun, butun dunyo bo`ylab sayohat qilish va uysiz insonlarga xayr-saxovat qilish uchun millionlar kerak emas. Yaxshilikni oddiy yo`l bilan ham qilish mumkin. Bundan tashqari, ko`pgina insonlar atrofdagilarga yordam berishni istashadi, ammo ba`zida qanday qilib yordam berishni bilishmaydi.
Bir tashabbuskor guruh noyob ijtimoiy tajribani o`tkazishdi. AQShning San-Diego shahrida maxsus taxtani o`rnatishdi va unga nina to`g`nag`ich yordamida 20 ta bir dollarlik pullarni qistirib chiqishdi. Tepasiga esa katta xarflar bilan: “Sizga qancha kerak bo`lsa, shuncha oling. Qancha ayamasangiz, shuncha yopishtiring” – deb yozib qo`yishdi.
Mazkur taxtaning yoniga kamera o`rnatilgan bo`lib, u insonlarning harakatlarini kuzatib turish maqsadidi qo`yildi. Kimdir taxtadan bir necha dollar oldi, ammo ko`pchilik bu hayrli ishga o`z hissalarini qo`shishdi va o`z pullarini taxtaga qistirishdi. Oradan 45 daqiqa o`tgach taxta pullarga to`lib ketgan.
Shu vaqtda bir uysiz kishi taxta oldiga yaqinlashadi, lekin u pul olmasdan o`tib ketadi. Buni ko`rgan tashkilotchilardan biri uning yoniga borib nima uchun pul olmaganini so`raydi. Shunda uysiz kishi shunday javob beradi: “Bugun mening qornim to`q va pulga muhtoj boshqa insonlar juda ko`p. Men ochko`z emasman. Menga shuni o`zi etarli va shu narsa mening shaxrimda bo`layotganidan juda hursandman. Balki men ertaga bu yordamdan foydalanarman”.
Shu oddiy ijtimoiy tajriba shuni ko`rsatdiki, atrofimizda juda ko`p mehribon va yordamga tayyor turgan insonlar bor.
Manba: mirfactov.com
bu tajribani uzimizdayam qib kurgim kevotti, qizziq, odamla buni qanday qabul qiliwarkin!?
bizadayam kungilli insonla topiladi