DribbleUp – har qanday vaqtda va har qanday joyda mashq qilish istagini bera oladigan, o’yindagi ko’nikmalarni yaxshilashga yordam beradigan va murabbiylik qobiliyatiga ega bo’lgan “aqlli” futbol to’pidir. DribbleUp da sensor yo’q va oddiy to’pdan faqatgina o’ziga xos mahsus bo’yoqlari bilan farq qiladi. Aynan shular yordamida, smartfon kamerasi mobil ilova orqali to’p ta’sirini, tezligi va kuchini aniqlaydi.
Mashg’ulotni boshlashdan oldin, smartfonni shtativga o’rnatib va Android yoki iOS da ishlaydigan mobil ilovani ishga tushirishingiz kerak. DribbleUp to’p bilan ishlash texnikasini va aniqlikni oshirishga imkon beradi. Zarbalarning aniqligi va kuchliligini kuzatish bilan birga, zarb va nazorat sinovlari hisoblagichi xizmatida virtual darvozabon, 30 kunlik mashg’ulot va ovozli yordamchi ham bo’ladi.