m.odnoklassniki.ru

O`zbek Internet foydalanuvchilari orasida eng ommabop bo`lgan Odnoklassniki ijtimoiy tarmog`ining o`zbek tilidagi versiyasi chiqmoqda. Bu esa Odnoklassniki saytida ikki milliondan oshgan o`zbek foydalanuvchilari uchun ancha muncha qulaylik yaratadi.

Ayni damda odnoklassniki.ru sayti beraëtgan rasmiy raqamlarga qarasak, odnoklassniki saytida 2,5 milliondan ko`proq o`zbekistonlik foydalanuvchi ro`yxatdan o`tgan. Shu bilan birga odnoklassniki.ru vakili qilgan chiqishida bir oyda O`zbekistondan kiradigan faol foydalanuvchilarning soni 2 milliondan ziëd deb aytdi.

Hozir Jahon virtual dunyosida o`nlab ijtimoiy tarmoqlar mavjud. Ulardan eng ommaboplari Facebook, LiveJournal, Twitter kabilardir. Rus tilida chiqadiganlari orasida Odnoklassniki.rudan tashqari Vkontakte, Moy mir, Mail.ru kabilar ham ancha mashhur.

Masalan, Facebook tarmog`ining dunyodagi foydalanuvchilari soni qariyb bir milliardga etgan. O`zbekistonlik “Facebookchilar” soni esa 130 mingga ham etmaydi. 8 milliondan oshiq o`zbek Internet foydalanuvchilari orasida eng ommabop ijtimoiy tarmoq Odnoklassniki.ru sayti bo`lib qolmoqda.

O`zbekistonda, rasmiy ma`lumotlarga ko`ra, Internet foydalanuvchilari soni 8 milliondan oshgan, ularning yarmidan ko`prog`i aynan mobil telefonlar orqali jahon tarmog`iga kirishadi.

Odnoklassniki.ru ijtimoiy tarmog`i Rossiyaning Mail.Ru Group media shirkatiga qarashlidir. O`z vaqtida Mail.Ru Group Moy mir tarmog`iga ham egalik qiladi.

Hozirda Odnoklassniki.ru saytida ro`yxatdan o`tganlar soni 80 millionga yaqinlashgani aytiladi. Shulardan ikki yarim millioni o`zbekistonliklardir.

Shuningdek, keyingi bir-ikki yil ichida ro`yxatdan o`tayotgan yangi foydalanuvchilar bo`yicha Odnoklassniki.ru birinchilikni Vkontekte tarmog`iga boy berdi. Hozirda Vkontekte mushtariylari soni 100 million kishidan oshgan.