Hayotingizni pulsiz tasavvur qilib ko`ring

Psixoterapevt va bir qancha kitoblar muallifi Xaydemari Shvermer nafaqat tasavvur qiladi, balki mana 13 yildirki pulsiz yashab kelmoqda. Uning yoshi 67 da va U pulsiz djunglida emas balki Germaniyada, asosan Dortmund shahrida istiqomat qiladi. Bunday hayot tarzi ayniqsa iqtisodiy taqchillik vaqtida juda ham ko`l kelarkan. Xaydemarining ustunlik tarafi – u bankdagi jamg`armalarini yo`qotib qo`yishdan qo`rmaydi, chunki jamg`armaning o`zi ham yo`q.

Agar senda hech nima bo`lmasa, senga hech narsa ham kerak bo`lmaydi. Bu ayol o`zini haqiqatdan ham baxtli va boy his qiladi. Germaniyada butun jahon iqtisodiy taqchilligi sezilarli darajada ta`sir qila boshlaganda X. Shvermerga jurnalistlar olomoni yopirila boshladi. Oldin ham jurnalistlar kelib turardi, lekin juda kam, endi esa ko`pchilikni hayotning pulsiz modeli qanday ishlashi qizziqtirib qoldi.

Ko`pchilik Xaydemarni ajoyib ayol desalar, ba`zilari uni ko`zyog`lama deyishmoqda. X. Shvermer o`zi esa bu gap so`zlarga ahamiyat bermasdan ishtiyoq bilan pulsiz qanday soch tugma qilishi, internetdan foydalanishi, uyali telefonga ega bo`lish va kasal bo`lib qolishdan aslo qo`rqmasligi haqida gapirib beradi.

1994 yili X. Shvermer tomonidan yaratilgan “Gib und Nimm” (ber va ol) tarmog`i juda oddiy ishlaydi. Manga bu “narsa” da yordam bersang, sening bolalaringa qarab turishim mumkin. Mashinamni tuzatib bersang, men derazalaringni yuvib qo`yaman.

1996 yili Xaydemar o`z uyi va bir qancha sug`urta shartnomalaridan voz kechdi. Germaniyada esa har bir shaxsda sog`liq sug`urtasidan tashqari boshqa turdagi sug`urtalardan kamida uchtasi bo`lishi shart. O`z uyini esa Xaydemar atrofdagilariga sovg`a qildi. Shu vaqtdan buyon X. Shvermer pulsiz kun kechirib kelmoqda.

Boshida psixoterapevt mutaxassisligi bo`yicha ishladi: men senga konsul`tatsiya – sen esa menga ovqat, yoki biron bir kiyim. Keyin u odamlarning uylarini qo`riqlash uchun ularning uylariga bora boshladi. O`z so`zida “ Ammo bunday qilib dunyoni o`zgartirish juda qiyin, lekin mening maqsadim aynan shunday bo`lgan”, – deydi kitob yozishga qaror qilgan ayol. “Gib und Nimm” jamiyati xozirgacha boshqa bir dunyo bo`yicha taniqli jamiyatlar qatorida juda yaxshi faoliyat ko`rsatib kelmoqda.

X. Shvermerning kiyimlari uncha katta bo`lmagan chamadonga sig`adi. X. Shvemerni iqtisodiy taqsillik boshlanishi bilan teleekranda namoyish qilishga to`g`ri keldi. Bu munosabat bilan hatto kimdir unga yubka ham sovg`a qilgan. Xaydemarning 3 juft poyafzali bor, lekin bu ham u uchun ko`p dek tuyuladi. Hech qanday oilaviy sur`atlar yo`q. Lekin Germaniyaning qaysidir bir shaharida uning bolalari yashaydi, ular oilaviy xotiralarni saqlab kelmoqda. Lekin X. Shvermerga bu narsalar kerak emas.

1996 yildan buyon X. Shvermerda uy yo`q. Ayol har xil odamlarning uyida yashab kelmoqda. Odatda bir uyda bir xafta yashaydi, lekin hozirgi kunda U uch xaftadan buyon Dortmunda do`stlarining uyida yashamoqda. U do`stlariga uy ishlarida yordam beradi, ba`zi vaqtlarda ovqatlanishga kelgan mexmonlarga ma`ruza o`qib beradi.

O`z o`zidan savol tug`iladi X. Shvermer kasal bo`lganida nima qiladi? Javob oddiy – hech narsa. X. Shvermerning aytishicha U 20 yildan buyon shifokor ko`rigida bo`lmagan. U – inson istasa o`z o`zini shifolashi mumkinligiga ishonadi. Xaydemari, tanasida hatto o`simta aniqlanganida ham shifokorga bormasligi mumkinligiga amin. Ikki uch marta X. Shvermer juda og`ir kasal bo`lgan, hatto o`limga yaqin holatda bo`lgan, lekin shunga qaramay U yana tiklangan.

To`g`risini aytganda, dunyoning moddiy boyliklaridan butunlay voz kechish Xaydemar ko`lidan kelmadi. Uning aytishicha U uchun kerakli bo`lgan ikkita narsa ko`z oynak va uyali telefon. Ko`z oynagini unga bir shifokor bergan, evaziga Xaydemar uning mushugiga qarab turgan. Uyali telefonini esa (bu undagi to`rtinchisi) – ajoyib bir kuni Xaydemar menga uyali telefon kerak deb aytgan, keyin kimdir unga uyali telefon sovg`a qilgan.

Ba`zida U o`ziga narsalar ham sotib oladi. Yoki o`zi poezdga chipta oladi. Qaysi pullarga deysizmi? Nafaqasidan – uni X. Shvermer yaqindan boshlab ola boshlagan. “Umuman olganda bu nafaqani olmoqchi emasdim, lekin barchasi shunday oson hal bo`ldiki va men osonlikcha rozi bo`ldim. Endi esa uchdan ikki qismini odamlarga tarqataman, qolgan qismini esa dunyoni o`zgartirish uchun ishlataman.”  “Ishonch bilan aytaolamanki pulsiz yashashning imkoni bor. Pulsiz kun kechirayotgan insonlar juda ko`p. Bu model ishlashi uchun odamlar bir birlari bilan bori bilan bo`lishishga tayyor bo`lsalar etarli” deb hisoblaydi X. Shvermer.