Insonlarni qizziqtirishning yo`li!

Xo`sh, siz bilan uchrashgan va suhbatlashayotgan odamni qanday qilib qiziqtirish mumkin?  Bu  oson emasga o`xshaydi. Qanday qilib buning uddasidan chiqish mumkin. Siz Amerikaning mashxur prezdenti Teodor Ruzvelt haqida eshitganmisiz. Uning qabulida bo`lgan har qanday kishi uning bilimlari serqirra va keng miqyosdaligidan hayratga tushar edi. Kovboy bo`ladimi, diplomatmi Ruzvelt hammasining tilini topa  bilardi. U bunga qanday qilib erishgan ekan? Javobi oddiy, har safar u kutayotgan kishisi tashrifidan bir kun oldin yarim tungacha mehmonni qiziqtiradigan mavzulardagi adabiyotlarga ko`z tashlab chiqar edi. Kishining qalbiga yo`l topishning eng to`g`ri yo`li – u qadrlaydigan narsalar haqida gapirishi ekanligini yaxshi bilardi. yirik universitetlardan birining professori bolalik chog`idagi bir voqeani eslaydi:

«Sakkiz yashar chog`im. Ta`tilni daryo bo`yida yashaydigan xolamnikida o`tkazayotgan edi. Bir kuni o`rta yoshlardagi odam paydo bo`lib, xolam bilan iliq hol-ahvol so`rashdi. Keyin birdan menga e`tibor qaratdi. Men qayiqlar atrofida o`ynab yurardim. Haligi kishi qayiqlar haqida shunaqangi qiziq gaplarni gapirardiki, men lol qoldim. U qayiqlar bilimdoni sifatida menda zo`r taassurot qoldirgan edi. Ammo xolamning aytishicha, u advokat bo`lib, qayiqchilik sohasiga mutlaqo dahli yo`q ekan. «Unda nega qayiqlar to`g`risida gapirdi?» so`radim men. Chunki u madaniyatli kishi, – dedi xolam, – seni qayiqlar qiziqtirishini sezdi va ko`ngilli taassurot qoldirish uchun faqat senga yoqqan mavzuda gapirdi. Men buni bir umrga eslab qoldim.» Suhbatdoshingiz bilan faqat u qiziqqan mavzuda gapirish ishbilarmonlikning yaxshi usulimi?

Siz nima deb o`ylaysiz? Tasavvur qiling siz o`z maxsulotingizga buyurtma olish uchun bir kishi bilan uchrashdingiz, gapni nimadan boshlaysiz, taxminimcha, o`zingiz ishlab chiqarayotgan maxsulotning sifati va uning naqadar foydali ekanligi haqida. Biroq bu uni qiziqtirmaydi. Siz bu yo`l bilan maxsulotingizga buyurtma ololmaysiz. Ammo, siz o`z qiziqishlaringiz haqida emas, uning qiziqishlari haqida so`z ochsangiz, suhbatdoshingizning yuzlari yorishib ketganini ko`rasiz. Qanchalik vaqti tig`izligiga qaramay, u sizga o`z qiziqishi haqida soatlab gapirishi mumkin. Bu paytda esa siz unda o`zingizga nisbatan yaxshi fikrlarni uyg`otib olasiz. Kimlardir to`rt yil mobaynida erisha olmagan yutuqlarga erishishingiz mumkin.

Ba`zilar boshqalarda yaxshi taassurot qoldirish uchun, hushomad gaplardan gapirishadi, ba`zilar maqtovlar-ketidan maqtovlar yog`diradi, kimdir esa yordam beradi. Xushomad suhbatdoshingizni bezdiradi, ayniqsa uning sohtaligi bilinib tursa, maqtov esa hammaga ham bir xil ta`sir qilavermaydi. Yordam ham unutiladi. Sizga beradigan maslahatimiz, odamlarga yoqishni istasangiz, quyidagi maslahatimizga amal qiling. Suhbatdoshingizni qiziqtirgan mavzuda gapiring. Agar u odamning nimalarga qiziqishi haqida bilmasangiz, unga yaqin bo`lgan odamlar yoki u bilan avvallari hamsuhbat bo`lgan kishilar orqali sezdirmasdan so`rab oling. U odam bilan qiziqish sizning vaqtingizni olsada, ishingizning unumli bo`lishini, suhbatning qiziqarli kechishini va suhbatdoshingizning sizni yoqtirib qolishini ta`minlaydi.