Ko’p insonlardan aqlliroq ekanligingizning 5 ta belgisi

Xavotirlanish va kuldirish qobiliyati yuqori intellektning ko’rsatkichlari bo’lishi mumkin.

Intelektning koeffitsienti (IQ), bilim miqdorining ko’rsatkichi emas. Aksincha, bu sizning yangi ma’lumotlarni qabul qilish va qayta ishlash tezligining ko’rsatkichidir.

Garchi aql hayotdagi muvaffaqiyatni belgilaydigan yagona narsa bo’lmasa ham (ta’lim darajasi, oila tarafdan qo’llab-quvvatlash va boshqa omillar juda katta rol o’ynaydi), yuqori IQga ega bo’lish yomon emas. Biroq, ko’pchiligimiz qanchalik aqlli ekanligimizni sezmasdan ham hayotni boshdan kechirishimiz mumkin. IQ-ni o’lchash juda qiyin va agar siz o’qitilgan mutaxassis uchun katta summani to’lashga tayyor bo’lmasangiz, unda siz hech qachon intellektual darajangizni aniq aniqlay olmaysiz.

Yangi tadqiqotlar, bolalik tajribasi va ba’zi xatti-harakatlar modellarini yuqori IQ bilan bog’laydigan qiziqarli natijalar berdi. Agar siz o’zingizni quyidagi holatlardan birida tan olsangiz, siz o’ylaganingizdan ham aqlliroq bo’lishingiz mumkin.

1. Siz tez-tez tashvishlanasiz va xavotirlanasiz.

Xavotirni yaxshi narsa sifatida qabul qilish qiyin. Lekin u unchalik yomon emas. Hech bo’lmaganda qiziqarli narsa bilan birga keladi.

Psixiatr Jeremi Koplan bir paytlar tashvishli bemorlarni o’rgangan. Va tashvishlanish darajasi yuqori bo’lganlarning IQ darajasi yuqori ekanligini aniqladi.

Bundan tashqari, xavotirli odamlar IQ testlarda ko’proq ball olishgan.

Yana bir qiziqarli va murakkab tadqiqot Herzliya fanlararo markazida (Isroil) o’tkazildi.

Olimlar odamlardan kompyuterda bir nechta tasvirlarni baholashni so’rashdi. Va keyin ular noto’g’ri tugmani bosib, tasodifan virusni ishga tushirganiga ishontirishdi. VIrus esa qattiq diskdan muhim ma’lumotlarni o’chirishni boshladi. “Nima qilding?!” degan nolalar ostida, ishtirokchilar texnik yordam bo’limiga yuborildilar. Yo’lda esa ularga yana bir necha muammo yaratishdi.

Natijada, kutilmagan narsa oshkor bo’ldi: “xatolari” tufayli boshqalardan ko’ra ko’proq azob chekayotganlar, vaziyatni to’g’irlashga urinishda eng diqqatli va samarali bo’lganlar. Va ular yanada muvaffaqiyatli bo’lishdi.

Shunday ekan, keyingi safar sizga kamroq asabiylashish deyishsa, buni qila olmayman deb bemalol ayting. Yuqori intellekt sizni tinchlantirishga xalaqit beryapti.

2. Siz birinchi kitobingizni erta o’qidingiz.

Britaniyada 2000 ga yaqin bir xil egizaklar ustida olib borilgan tadqiqot shuni ko’rsatdiki, bir xil genlarga ega bo’lishiga qaramay, erta o’qishni boshlagan bolalar o’smirlik davrida aka-ukalariga qaraganda yuqori IQga ega edilar.

Bir qarashda buni osonlik bilan tushuntirish mumkin: erta o’qishni o’rgangan bolalar, avvaldan aqlliroq edi. Biroq, tadqiqotchilar bu yerda munosabatlar aksincha, deb hisoblashadi. Erta kitobga qiziqqanligi sababli bolalar aqlliroq bo’lishdi. O’qishga bo’lgan ishtiyoq ularning intellektual rivojlanishiga ta’sir qildi.

Agar siz erta o’qishni boshlagan bo’lsangiz, bu sizning aqlliligingiz uchun emas. Ehtimol, siz yoshligingizda harflarni so’zlarga kiritishni o’rganishga yordam beradigan qiziqarli kitobni uchratganingiz uchun shunday bo’lgandir.

3. Siz chapaqaysiz.

Ma’lum bo’lishicha, chapaqaylarni o’n qo’llari bilan yozishga harakat qildirgan barcha o’qituvchilar buning teskarisini qilishlari kerak edi.

Chap qo’llik va jinoiy xatti-harakatlarga moyillik o’rtasida kichik va hali tushuntirilmagan bog’liqlik mavjud bo’lsa-da, chappaqaylar uchun ba’zi intellektual afzalliklar mavjud.

Shunday qilib, bitta katta tadqiqot chapaqaylarda, ayniqsa erkaklarda divergent fikrlash bilan bog’liqligini ko’rsatdi. Va nostandart yechimlarni topishning o’ziga xos xususiyati yuqori intellekt belgilaridan biridir.

4. Bolaligingizda musiqa saboqlarda chalinishni o’rgangansiz.

Hatto musiqani qisqacha o’rganish ham intellektni yaxshilaydi.

Psixolog Sylvain Moreno tomonidan olib borilgan tadqiqotda 4 yoshdan 6 yoshgacha bo’lgan 48 bola maxsus ta’lim dasturida ishtirok etdi. Bolalarning yarmi kuniga bir soat musiqa chalishdi. Qolganlari – tasviriy san’at bilan shug’ullanishdi.

To’rt hafta o’tgach, tadqiqotchilar ishtirokchilardan intellektual testni topshirishni so’rashdi. Musiqa bilan shug’ullanganlarning 90 foizida bu tajriba boshlanishidan oldin o’tkazilgan bir xil test natijalariga nisbatan oshgan. Rasm chizgan bolalarda esa natija o’zgarmadi.

Shunday qilib, agar siz bolaligingizda pianino yoki boshqa musiqa asbobida chalishni o’rgangan bo’lsangiz, bu yaxshi belgidir.

5. Siz kuldirish qobilyatiga egasiz.

Tadqiqotlar shuni ko’rsatadiki, hazil tuyg’usi rivojlangan odamlarda yuqori intellekt va mavhum fikrlash rivojlangan. Hech bo’lmaganda, bu, albatta, erkaklarga tegishlidir.

Psixologlarning fikricha, erkaklarda hazil tuyg’usi yuqori intellektning ko’rsatkichi deb hisoblanishi mumkin.

Ayollar haqida hali hech qanday tadqiqotlar yo’q. Ammo katta ehtimol bilan aytish mumkinki, aql va hazil tuyg’usi bir xil ildizli tushunchalar emas. Ular bir-biri bilan chambarchas bog’liq va bu ikkala jinsga ham tegishlidir.