Odamlarning ko`nglini olish

Dunyoda kimnidir nimanidir qilishga undashning faqat bitta yo`li bor. Bu haqda hech o`ylab ko`rganmisiz? Ha, faqat yagona yo`l. U ham bo`lsa o`sha kishini shu ishni qilishni xohlashga majbur etish. Unutmang: boshqacha usuli yo`q. Albatta peshonasiga to`pponcha tirab, biror kishini soatini tortib olishingiz mumkin. Xodimingizni ishdan bo`shatib yuborish bilan qo`rqitib ishlashga majbur qilishingiz mumkin. Bolangizni urib-so`kib aytganingizni qilishga majburlaysiz ham. Biroq bu qo`pol usullar oxir-oqibat ko`ngilsiz oqibatlar keltirib chiqarishi muqarrar. Demak sizda nimadir qilish ishtiyoqini uyg`otish uchun men siz xohlagan narsani berishim kerak. Bu ana shu yagona yo`ldir.  

Siz nimani xohlardingiz? Avstriyalik mashhur olim, 20 asr ruhshunoslarining namoyondasi doktor Zigmund Freydning fikricha, bizning barcha xatti harakatlarimiz zamirida ikki maqsad yotadi: intim ko`ngilxushlik va buyuk bo`lish istagi. Amerikalik faylasuf Jon Dyui esa buni boshqacha ifodalaydi. Uning ta`kidlashicha, hammaning e`tiborida bo`lish istagi inson tabiatiga xos eng teran intilish ekan. Eslab qoling: «Hammaning e`tiborida bo`lish istagi». Bu tabiiy hol. Shunday qilib siz nimani istaysiz? Unchalik ko`p narsa emas, biroq o`sha ozginani ham chindan xohlasangizgina erishishingiz mumkin.

Deyarli etuk yoshdagi har bir kishining istagi asosini quyidagilar tashkil etadi:

1. salomatlik va hayotni asrash;
2. oziq-ovqat;
3. uyqu;
4. pul va pulga sotib olish mumkin bo`lgan buyumlar;
5. u dunyodagi hayot;
6. jinsiy qoniqish;
7. farzandlarining baxti;
8. o`zining ahamiyatini xis qilish

Bu istaklarning barchasi deyarli qondiriladi. Faqat bittasi bundan mustasno. Bu – buyuk bo`lish istagi bo`lib, juda kamdan kam hollarda ro`yobga chiqadi. Linkol`n bir maktubini shunday so`zlar bilan boshlagan ekan; «Hamma ham xushomadni yoqtiradi».

Uilyam Jeyms esa : «Kishilar tomonidan qadrlanish istagi insonga xos qat`iy intilishdir», degan edi. Bu kishini doimo jonhalak qilib keladigan, qondirib bo`lmaydigan tashnalikdir. Aynan muhim shaxs bo`lishga intilish istagi tufayli savodsiz baqqol ombordagi bochkalar ostidan topib olgan huquqiy mavzudagi kitoblarni o`qiy boshlaydi.

Siz o`sha baqqolning kimligini bilasizmi? U Linkol`n edi. Muxim shaxs bo`lish istagi sizni so`nggi urfda kiyinishga, oxirgi rusumdagi avtomobilda yurishga undaydi. Bu istak Dikkensni o`lmas asarlar yozishga, Kristofor Renni toshlardan simfoniyalar yaratishga ilxomlantirgan edi. Sizning ko`nglingizni nima oladi? Bu xaqda fikringizni bildiring.