Uzoq umr ko‘ruvchi insonlarning 5 ta odati

Uzoq umr ko‘ruvchi insonlarning 5 ta odati

Mustahkam sog‘liq va uzoq umr ko‘rish qadim zamonlardan to hozirgi kungacha odamlar ko‘p e’tibor qaratadigan masaladir. Ammo ko‘pchilik qarishdan qo‘rqadi yoki keksayganda o‘zini cheklab qo‘yadi. Axir, keksalik odatda zaiflik, yomon sog‘liq va yolg‘izlik bilan bog‘liq.

Shunga qaramay, bugungi kunda keksalikka bo‘lgan qarashlar o‘zgarib bormoqda. Pensiya yoshidan oshganlar hozirda chiroyli ko‘rinishga ega, jismoniy jihatdan faol va tez-tez sayohatlarga chiqib turadi. Bunday uzoq umr ko‘ruvchilarning hayot tarzida ayrim o‘xshashliklar mujassam. Quyida barcha keksa insonlarni birlashtirib turadigan odatlarni ko‘rib chiqamiz.

Kunni rejali o‘tkazing

Yoshiga nisbatan ancha go‘zal va navqiron ko‘rinadigan insonlarga ahamiyat bersangiz, ular doimo biror ish bilan band bo‘ladi. Bu nafaqat mehnat, balki foydali vaqt o‘tkazish, sayr qilish, yangi tanishlar orttirish, sport bilan shug‘ullanish kabi turli mashg‘ulotlar bo‘lishi mumkin. Bunday insonlar doim faol hayot tarzini olib boradi va zerikishga hojat qolmaydi. Ular o‘tmishga qarab emas, balki kelajakka intilib yashaydi va maqsadlarsiz hayotini tasavvur eta olmaydi.

Shukrli bo‘ling va kichik narsalardan ham zavqlaning

Ko‘ngildagi energiya bizga uzoqroq va sog‘lom hayot kechirishga turtki beradi. Agar qalbimiz doim yomon xotiralar, hayotdan norozilik hissiga to‘la bo‘lsa, energiyani qayerdan olamiz?

Inson doimo har ishdan xafalik va norizolik bilan yashasa, u o‘ziga yana ko‘proq muammo va ko‘ngilsizliklarni jalb etadi. To‘g‘ri, har birimiz hayotda turli qiyinchiliklarga duch kelamiz, lekin hech narsa o‘zligimizdan voz kechishga sabab bo‘lmasligi lozim.

Hayotingizda bo‘lib o‘tgan sinovlar uchun o‘tmishga rahmat ayting va yo‘lingizda davom eting. Har ishga ijobiy yondashishni va kichik lahzalarda ham go‘zallik ko‘ra olishni o‘rganing. Oila a’zolaringiz va yaqinlaringiz bilan birga ko‘proq vaqt o‘tkazing, xayriya ishlarida ishtirok eting, insonlarga yaxshilik ulashing. Sizning harakatlaringiz insonlarga baxt keltirayotganiga guvoh bo‘lsangiz, o‘zingiz ham energiya va quvonchga to‘lasiz.

To‘g‘ri ovqatlanish me’yorlariga amal qiling

Uzoq umr ko‘radigan insonlarning aksariyati kam ovqatlanadi, chunki ortiqcha vazn turli xastaliklar, jumladan yurak va qon-tomir kasalliklarini keltirib chiqaradi. Shu sababli taomlanishda juda to‘yib ovqat yeyish kerak emas. To‘yinganlik hissi miyaga tezda yetib bormaydi.

Shuningdek, tanangiz sifatli va foydali oziq-moddalarga ehtiyoji borligini unutmang. Ko‘proq meva va sabzavotlar, ko‘katlar, oqsilga boy mahsulotlarni iste’mol qiling. Tez uglevodlardan o‘zingizni tiyishga harakat qiling. Gazli ichimliklar o‘rniga toza suv ichishga odatlaning. Zero suv metabolizmni yaxshilash vositalaridan biridir.

Ko‘proq sayr qiling

Hayotimiz doimiy harakatdan iborat. Bizning tanamiz aslida kun bo‘yi kompyuter qarshisida o‘tirish uchun mo‘ljallanmagan. Shu sababli hozirda ko‘pchilik yelka, bel, bo‘yin va tizzalardagi og‘riqlardan aziyat chekadi. Biror sport turi bilan shug‘ullanish mushkul bo‘lsa, shunchaki muntazam piyoda yurishni tanlang va tanangizga g‘amxo‘rlik qiling. Jismoniy harakatlarni faqat ortiqcha vazn to‘plaganda emas, doimiy bajarib yurish zarur. O‘z temperamentingizga mos jismoniy faoliyatni tanlash muhimdir.

Doim izlanishda bo‘ling

Uzoq umr ko‘radigan insonlar bolalikdagi kabi qiziqqonlik va doimiy o‘rganish odatini yo‘qotmagan bo‘ladi. Ular o‘zlariga hech qanday chegara qo‘ymaydi va shuning uchun hayoti davomida turli muvaffaqiyatga erishadi. Kimdir yangi til o‘rganadi, kitob o‘qishni to‘xtatmaydi, boshqalar esa yangi texnologiyalar bilan yaqindan tanishishga harakat qiladi.

Albatta o‘lim yosh tanlamaydi, ammo umrni foydali, mazmunli, salomatlikda va baxtli o‘tkazish o‘z qo‘limizdadir.

Kommentlar: 20 komment. 20 ta kommentdan so'nggi 10 tasini ko'ryapsiz
  1. Jamshid

    Rahmat, juda qiziq ma’lumotlar ekan

  2. Тимур

    Никогда не надо останавливаться изучать что то новое, шунда мия каримиди

  3. Aziza

    Hali vaqt bor bu haqda ulyawga manga cool

  4. Shaxlo

    Afsus hamma ham uzoq umr ko’ra olmaydi. Barchasi Xudoning qo’lida

  5. Aziza

    Turi etas, Xudo bar4amizni Uzing asra heart

  6. Shaxlo

    Omin heart

  7. Otabek

    Yurakda sevgi bo’lsa, odam har doim yosh ko’rinadi va qalban yosh bo’ladi

  8. To'maris

    To’g’ra aytasiz

  9. Aziza

    Juda chiroyli gaplar bo’ldi

  10. Samira

    So’g bo’lsak bo’ldi, qariganda undanda bu muhim

  11. Xurshid

    Juda qiziq ekan, rahmat

  12. Kozim

    good

  13. L

    heart

  14. Shaxobiddin

    Ular pozitiv bo’lishadi va yuraklari sevgiga to’la bo’ladi

  15. Rustam

    Yaxshi

  16. S

    good good good

  17. Anonim

    Raxmat.

  18. Komila

    Sog bolsak boldi

  19. Muxlisa

    Rost rost

  20. Boris

    Yaxshi maslahatlar, rahmat

Komment qoldirish

Email manzilingiz chop etilmaydi. Majburiy bandlar * bilan belgilangan

Nima qidiramiz? Masalan,Inson

Social