Yolg`iz bulganimizda…

Yolg`izlikni his etganimizda ko`pincha, dardimizni tinglaydigan ilgarigi do`stimiz yoki dugonamiz xozir bo`lishini istaymiz. Bunday yaqin do`stga xatto uydagilarga aytolmaydigan sirlarni ham aytasan. Esingizdami, yoshlik chog`imizda bizda qadrdon do`st bo`lgan. Bolalikdagi do`st… Bu so`zlarni aytganda qalbimiz iliqlikka to`ladi.

Bolalik, ushbu ajoyib davrimiz, ko`pincha so`ngi qo`ng`iroq va so`ngi oqshom bilan yakunlanadi. Shu kundan keyin esa do`stlarning yo`llari har-xil tomonga ketadi. Ular har-xil oliygohlarga kiradi, har-xil shaharlarga ko`chib o`tishadi va shu yo`sin boshqa ko`rishmaysiz. Xatto yashash joyingiz bir biringizga yaqin joylashgan bo`liga qaramasdan, bir biringizni kam ko`rasiz. Har kunning shoshilinch oqimida bir biringizni yo`qotasiz. Mansabga va tirikchilikka bo`lgan ishtiyoq shunchalik sizni o`ziga qul qilib oladiki, hatto, do`stingiz qanday yoki u nima qilyapti degan savollar haqida o`ylamay qo`yasiz. Lekin bu haqda o`ylasangiz ham, darrov bu hayolni boshqa fikr egallab oladi.

Menimcha, ulg`ayib ushbu eski va qadrdon do`stlikni kamdan kam odamlar saqlab qoladi, do`stlik uyog`da tursin, hatto aloqani ham saqlab qolishmaydi. Bordiyu, bola-chaqalik bo`lib qolsak, o`zimizni oqlab, bularning hammasini ikkinchi o`ringa o`tkazib qo`yamiz. yillar o`tadi, bolalar katta bo`ladi, hayot endi sekin shoshmay o`z maromida ketadi. Aynan shu paytlarda, do`stingizni sog`inasiz, do`stingizni eslashga tushasiz. Orqaga nazar tashlab, xayotingizda xammasi yahshi ekanini payqaysiz, bolalar katta bo`lgan, xammasi o`qiyapti, turmush o`rtog`im ajoyib, ishim juda yoqadi. Lekin bir narsa etishmaydi, u ham bo`lsa, do`stingiz bilan bo`lgan oddiy dardlashuv.

Yoshi katta odamlarda do`stlar bo`lmasligiga hech ahamiyat berganmisiz? Albatta, og`aynilar va tanishlar bo`ladi. Ular bilan ko`pincha beshta-beshta olib turishadi. Yoki ishxonadagi tanishlar bilan birga ovqatlanishadi, telefonda gaplashishadi va ishxonada birga bo`lishadi. Lekin bunday odamlarni qadrdon do`st deb atash mumkinmi? Biz ular haqida gapirganda ko`pincha, tanishim yoki birga ishlaymiz degan so`zlarni eshitamiz.

Haqiqiy do`stlikni topish haqiqiy sevgini topishdek juda mushkul masala. Shuning uchun qadrdon do`stlaringizni ehtiyot qiling, ularni yoqatmang!!! Sizga maslahatim, “Qadrdon do`stingizga qo`ng`iroq qiling yoki qanday bo`lsa ham u bilan aloqaga chiqing”.  U bilan gaplashmaganingizga ham ancha vaqt bo`lib qoldi. Sizni eshitib, do`stingiz xursandchilikka sho`ng`iydi. Kim bilsin, ba`lki, do`stingiz sizni ham eslab yurgandir. Birga qor o`ynab, daraxtlarga chiqib yurgan paytlarni eslang. Ahir siz birgalikda juda ko`p vaqtni birga o`tkazar edingiz.

Ko`pincha biz afsuslanib, “Eng bahtli davr bu bolalik, u endi qayti kelmas” deb aytamiz. Lekin bu noto`g`ri! Hamma narsani o`zgartirish va o`sha onlarni qaytarish bizning qo`limizda. Qancha yoshga kirmaylik, qalbimizda biz doim bolalardekmiz.