Sony – Vaio 3D

Sony – Vaio 3D sotuvga fevral oyining oxirida sotuvga chiqadi. Sony o`zining mashxur noutbuki Vaio ni 3D bilan ishlab boshlashi xaqidagi xabar o`tgan yilning kuzida tarqalgan edi. Bugun bu noutbukning texnik ta`minoti va sotuvga chiqish haqidagi bir qancha ma`lumotlar aniq bo`ldi.

Shunday qilib Sony ning 3D texnologiyasi bilan ishlovchi Sony Vaio F fevral oyining oxirida sotuvga chiqadi. Uning taxminiy narxi 2900 AQSh dollari deb baholanmoqda. Azaldan Vaio noutbuklarini boshqa noutbuklar bilan solishtirganda arzon deb aytib bo`lmas edi, hozirda ham Vaio har doyimgidek qisman qimmat bo`lib kelmoqda. Noutbuk aktiv 3D texnologiyasida ishlaydi, shu sabab agar katta hajmli videolarni tomosha qilmoqchi bo`lsangiz maxsus ko`zoynak taqishingizga to`g`ri keladi. Vaio F ga HD formatga moslangan 16 dyumli displey o`rnatilgan bo`lib, uning yangilanish chastotasi 1 sekundda 240 kadrga etadi. Bu esa bizning har bir ko`zimizga  oddiy standart bo`lib qolgan “sekundiga 60 kadr”dan har bir ko`zimizga 120 kadrga kupaydi. Bu o`zgarish ko`zimizga ancha foydali.

3D videolar  hali ancha kamligi sabab, 2D formatli videolarni 3D ga o`zgartiruvchi xizmatchi  konverterlar ham ko`payib qolgan. 2D formatli videolarni  3D da real vaqtning o`zida konvertrlash odat bo`lib qolgan. Sony 3D noutbukida xam shunday funktsiya kiritilgan, uning korpusida shunday maxsus tugmacha joylashtirilgan. Bu tugmacha yordamida konvertatsiya jarayonini ishga tushurishingiz mumkin. Noutbukning ishlash tezligiga Intel i7 protsessori javob beradi, tashqi qurulmalar uchun esa maxsus tez o`tkazuvchan USB 3.0 porti o`rnatilgan. Noutbukning haqiqiy kuchini sinab ko`rish uchun uning sotuvga chiqishini kutib qolamiz.