Ancha yillar avval go‘sht iste’mol qilishdan voz kechgan jahon yulduzlari

Ba’zi Gollivud yulduzlari juda yosh ko‘rinadi: ideal qomat, ko‘zni qamashtiruvchi tabassum, tiniq teri va serjilo sochlar ularning mashhurligiga katta hissa qo‘shadi. Mazkur mashhurlar ularning benuqson ko‘rinishi va ajoyib qomati siri go‘shtdan voz kechishda ekanligini ta’kidlaydi.

Ayshvariya Ray

Hindistonlik model va aktrisa dunyodagi eng go‘zal ayollardan biri hisoblanadi. Ayshvariya Rayning allaqachon 50 yoshda ekanligiga ishonish qiyin: yoshiga qaramay, sobiq dunyo go‘zali ajoyib ko‘rinadi. Buning siri nimada? 2011-yilda qizi tug‘ilgandan so‘ng, Ayshvariya 25 kiloga semirgandi.

U go‘shtdan voz kechishga asoslangan parhez tufayli samarali vazn yo‘qotishga muvaffaq bo‘ldi. Avvalgi qomatiga qaytgan aktrisa nihoyat vegetarianlikka o‘tishga qaror qildi.

Jennifer Lopes

Qat’iy tartib-intizom va o‘z-o‘zini nazorat qilish Jey Lo amal qiladigan asosiy tamoyillardir. Yulduz anchadan beri qahvani ratsionidan chiqarib tashlagan, spirtli ichimlik ichmaydi va sog‘lom ovqatlanishga rioya qiladi.

U vegetarianlikni faol qo‘llab-quvvatlab, go‘shtdan voz kechgach, o‘zini shunchalik yaxshi va yengil his qilishini ta’kidlaydi.

Bred Pitt

Muntazam mashg‘ulotlar, to‘g‘ri ovqatlanish va kam uglevodli parhezlardan tashqari, 60 yoshli aktyor yoshlik va ideal jismoniy qomatini saqlab qolish uchun noodatiy usullardan foydalanadi.

Misol uchun, u muntazam ravishda tog‘ daralari ustida bo‘ladigan ziplayndagi hayajonli parvozlarni amalga oshiradi va syorfing bilan shug‘ullanadi. Bundan tashqari, Gollivud yulduzi ko‘p yillardan beri go‘sht iste’mol qilmaydi. Bu unga qomatini saqlab qolish va doimo yaxshi holatda bo‘lishga yordam berishini ta’kidlaydi.

Keyt Uinslet

Aktrisaning abadiy yoshligining siri uning sog‘lig‘iga e’tibor bergan holda o‘zini sevishi va qabul qilishidir. Keyt birinchi navbatda go‘sht va sut mahsulotlarini ratsionidan chiqarib tashlagan, asosan yashil sabzavotlar, baliq va dengiz mahsulotlariga e’tibor qaratadi.

Vegetarianlik unga tig‘iz ish jadvaliga qaramay, quvnoq va baquvvat bo‘lishga imkon beradi.

Jessika Chasteyn

Aktrisaning bitmas-tuganmas energiyasi, mukammal salomatligi va nozik qomatining asosiy sirlari — sog‘lom ovqatlanish, go‘shtdan voz kechish va kun davomida yasminli ko‘k choy ichishida. Jessika yoga va velosiped minish kabi mashg‘ulotlar bilan shug‘ullanadi. 47 yoshida ham Jessika Chasteyn tengdoshlaridan ancha yoshroq ko‘rinadi.

Yeva Mendes

Lotin amerikalik aktrisani 50 yoshda ekanligiga ishonish qiyin, chunki u ko‘pi bilan 30 yoshga o‘xshaydi. Uning ajoyib qomatining siri nimada? Javob bitta — muntazam mashg‘ulotlar va to‘g‘ri ovqatlanish.

Aktrisa parhezni yoqtirmaydi, ammo muvozanatli ovqatlanish va go‘shtdan voz kechish unga normal vazn va tana uyg‘unligini saqlashga yordam beradi.

Yeva ko‘p sabzavot, meva, ko‘katlarni iste’mol qilishni afzal ko‘radi, shuningdek, kundalik ratsioniga kepak, zig‘ir urug‘i va baliq yog‘ini qo‘shadi. O‘simliklardan tayyorlangan mahsulotlar aktrisani energiya va kuch bilan to‘ldiradi, shuningdek, uning yuz terisiga ta’sir ko‘rsatadi.