AQSh dagi komp`yutersiz maktab

Yuqori texnologiya markazi hisoblangan AQSh ning Koliforniya shtatida ishlovchi ishchilarning farzandlari planshetlarsiz va noutbuklarsiz ta`lim olmoqdalar. eBay kompaniyasinning texnik direktori o`z farzandlarini shaxsiy komp`yuter va noutbuk bilan jixozlanmagan maktabga jo`natmoqda. Shunday yo`lni shtatning boshqa yirik kompaniyalari: Google, Apple, Yahoo, Hewlett-Packard xodimlari ham tanlashgan. Yuqori texnologiya markazida mashxur bo`lib borayotgan ushbu maktab Waldorf of the Peninsula deb nomlanadi.

Maktab juda oddiy ko`rinishga ega – doska va rangli qalamlar, entsiklopediya kitoblari, tokchalar, taxtali partalar, daftarlar va qalamlar bilan jixozlangan. Ushbu maktabda zamonaviy texnologiyalarga bog`liq bo`lmagan uskunalardan foydalanishadi: ruchkalar, qalamlar, tikish ignalari va ba`zi paytlarda hatto loydan ham foydalanishadi.

Dunyodagi barcha maktablar zamonaviy uskunalar bilan jixozlanishga harakat qilayotgan bir davrda, bu kabi yangiliklar noodatiy yangilik deb qabul qilinarkan. Hozirgi kunda hatto bir qancha davlatlarda o`quv muassasalarini zamonaviy texnologiyalar bilan ta`minlamaslik – tentaklik deb aytishmoqda. Ammo qiziq qarama-qarshi fikr kremniy o`lkasida bo`lmoqda, axir kremniy o`lkasi yuqori texnologiyalar markazi hisoblanadi. U erda ota-onalar va o`qituvchilarning aytishlaricha: maktab va komp`yuterlar bir biriga bog`liq emas.

Axborot texnologiyalarsiz ta`lim tarafdorlarining aytishlaricha, komp`yuterlar – ijodiy fikrlashni, harakatlanishni, insoniy munosabatlarni va diqqatni jamlashga qiyinchilik tug`dirishi mumkin ekan. Ularning ta`kidlashlaricha farzandlarini zamonaviy uskunalar bilan tanishtirish va ulardan foydalanishni o`rgatish uchun uylarida keraklicha vaqt va imkoniyat bo`larkan.

Davlat muassasalarda o`qitish metodika haqida 12 kitob yozgan, Furman universiteti o`qituvchi-professori Pol Tomasning fikricha, ta`lim jarayonida komp`yuterlardan kamroq foydalanish kerak ekan. Uning aytishicha “Ta`lim – bu birinchi navbatda insoniy hayajonlar, tajriba ortirish. Qachonki savodxonlik, sanash qobiliyati va kritik holatlarda o`ylash lozim bo`lgan vaqtlarda texnologiyalar insonni faqat chalg`itadi”.

Maktablarda komp`yuterlardan foydalanmaslik tarafdori bo`lgan ota-onalar hayron qolishmoqda, nima uchun bolalarni texnologiyaga o`rgatish uchun shoshilish kerak. Axir hozirgi kunda bu juda oson bo`lib qolganku. Zamonaviy texnologiyadan foydalanish bu bir oddiy tish tozalashni o`rganish dek bo`lib qolgan. Kremniy o`lkasi rahbari mister Igl ning aytishicha – biz Google va shunga o`xshash yirik kompaniyalarda texnologiyalarni foydalanish uchun juda sodda qilib yaratmoqdamizki, farzandlarimiz hatto o`sib katta bo`lganlarida ham o`rganib olishlari qiyin bo`lmaydi.

O`quvchilarning aytishlari bo`yicha esa, ular o`zlarini zamonaviy texnologiyalardan uzilib qolgan deb hisoblashmas ekan. Ular vaqti vaqti bilan uylarida kino ko`rishadi, komp`yuter o`yinlarni ham o`ynashadi. Hatto ular o`z ota-onalarini har hil moslamalarga bog`lanib qolganlarini ko`rib xafa bo`lisharkan.