Bosh sahifa
Olam
Qiziqarli faktlar
Yangiliklar
Ilmiy nuqtayi nazardan dunyodagi eng go‘zal ayol kim ekani aniqlandi

Ilmiy nuqtayi nazardan dunyodagi eng go‘zal ayol kim ekani aniqlandi

25 Oktabr 2024 Oqish: 3 daqiqa 70 komment

Yoqdi: 50

Ilmiy nuqtayi nazardan dunyodagi eng go‘zal ayol kim ekani aniqlandi

Go‘zallik tushunchasi o‘ta subyektiv bo‘lsa-da, uni o‘lchashning ilmiy usuli mavjud. Albatta, gap qadimgi yunonlarga ma’lum bo‘lgan “oltin standart” formulasi haqida ketmoqda. U hozirgi kunlarda ham muvaffaqiyatli qo‘llanilmoqda. Misol uchun, plastik jarroh Julian de Silva fotosuratlar ustiga maxsus niqob-xaritalarni joylashtiradi. Bu niqoblar inson yuz nisbatlarining oltin qoidalariga ko‘ra qanchalik ideal ekanligini aniqlashga yordam beradi. Shu ma’lumotlar asosida eng go‘zal yulduzlar reytingi tuziladi.

9-o‘rin: Aliya Bxatt

Ma’lumotlarga ko‘ra, hind millatiga mansub britaniyalik aktrisaning yuzi 91,14 foizga oltin standartlarga yaqin. 31 yoshli yulduz ko‘zlarining joylashuvi deyarli ideal — 98,4 foiz. Eng kichik foiz esa qoshlarida.

8-o‘rin: Chjan Szi

Ayniqsa, “Geysha xotiralari” filmidagi Chio roli bilan tomoshabinlar xotirasida qolgan xitoylik aktrisa 91,51 foiz standartlarga javob beradi. 45 yoshli yulduz ko‘zlarining joylashuvi uning eng kuchli xususiyati bo‘lib, ammo burun asosining lablar kengligiga nisbati esa idealdan uzoqroq.

7-o‘rin: Teylor Svift

34 yoshli qo‘shiqchi Teylor Sviftning natijasi biroz yuqoriroq chiqdi. U oltin me’yor standartlariga 91,64 foiz darajasida mos keldi. Bunda eng yuqori moslik darajasi uning iyagida kuzatildi. Eng past ko‘rsatkich esa qoshlarida qayd etildi.

6-o‘rin: Beyonse

43 yoshli Beyonsening natijasi biroz yuqoriroq — u 92,4 foizni tashkil etdi. Qo‘shiqchi haqli ravishda yuz shakli bilan faxrlanishi mumkin, chunki u deyarli mukammal — 99,6 foiz. Qoshlari esa boshqa yuz belgilariga nisbatan eng kam ball to‘plagan.

5-o‘rin: Son Xe Gyo

42 yoshli janubiy koreyalik aktrisaning eng kuchli jihati — ko‘zlarining joylashuvi bo‘lib, u idealga 99,7 foiz mos keladi. Eng past ko‘rsatkich burun asosining lab kengligiga nisbatida kuzatildi. Umuman olganda, Son Xe Gyo standartga 92,67 foiz muvofiq keladi.

4-o‘rin: Margo Robbi

Bu o‘rinni 34 yoshli avstraliyalik mashhur aktrisa Margo Robbi 93,43 foiz natija bilan egalladi. Burun asosining lablar kengligiga nisbati eng yuqori natijani ko‘rsatdi va u 97,4 foizni tashkil etdi. Qoshlari esa idealdan uzoqlashib ketdi.

3-o‘rin: Bella Hadid

Top uchtalikni 28 yoshli model Bella Hadid boshlab beradi. Uning yuzi standartga 94,35 foiz mos keladi. Iyagini esa ideal deb hisoblash mumkin, chunki u 99,7 foizga yaqin. Eng past foiz esa qoshlarida.

2-o‘rin: Zendeya

Faxriy ikkinchi o‘rinni 28 yoshli aktrisa va qo‘shiqchi Zendeya 94,37 foiz natija bilan egalladi. Uning lablari idealga eng yaqin bo‘lib, unga bor-yo‘g‘i 0,5 foiz yetishmadi. Burun asosining lablar kengligiga nisbati esa 88,5 foizni tashkil etdi.

1-o‘rin: Anya Teylor-Joy

Va nihoyat reytingda yetakchilikni Anya Teylor-Joy egalladi, u 94,66 foiz to‘plagan. Zendeyaga o‘xshab u ham 28 yoshda. Anyaning eng kuchli xususiyati ko‘zlarining joylashuvi bo‘lib, u 98,9 foizni tashkil etdi. Eng kam ballni lablari to‘plagan — 92 foiz.