O‘zbekistonliklar mustaqillik bayrami munosabati bilan 5 kun dam oladi

Prezident Shavkat Mirziyoyev farmoni bilan O‘zbekistonda 1—5-sentabr kunlari dam olish kuni etib belgilandi.

Farmonga binoan, kelayotgan bayramda ish haftasi turidan qat’i nazar, idoralar, korxona va tashkilotlarning barcha xodimlariga ketma-ket besh kunlik ta’til beriladi.

• 1-sentabr (chorshanba) — Mustaqillik kuni;
• 2-sentabr (payshanba) — qo‘shimcha dam olish kuni;
• 3-sentabr (juma) — qo‘shimcha dam olish kuni;
• 4-sentabr (shanba) — dam olish kuni (hamma uchun, ish haftasi turidan qat’i nazar);
• 5-sentabr (yakshanba) — dam olish kuni.