Kim kimdan o`rnak olishi kerak?

Yoshlar o`rtasidagi Jahon chempionatining 2-turidan o`rin olgan O`zbekiston va Xorvatiya o`rtasidagi o`yin o`z nixoyasiga etdi. O`yin kutilganidek juda qizziqarli tarzda o`tdi, hisob esa o`yinga mos 1:1.

O`yin boshidan xorvatiyalik futbolchilar o`yin tizgini o`z qo`llariga olishga harakat qilishdi, lekin vakillarimiz bunga yo`l qo`yishmadi. O`yinning 24 daqiqasida hamyurtlarimiz o`yindagi hisobni ochishga muvaffaq bo`lishdi. Jarimadan uzatib berilgan to`pni Sardor Rahmonov xorvatiyaliklar darvozasiga to`g`irlab qo`ydi.

O`yin oldidan ko`pchilik xorvatiyalik futbolchilarning jismonan baquvat va o`yinda o`zbekistonlik yoshlarga ancha qiyin bo`lishini ko`pchilik aytib o`tishgandi. Lekin vakillarimiz maydonda raqib futbolchilaridan mutlaqo qo`rqishmasdan harakat qilishdi. Bir-birlariga o`zatgan mayda to`p o`zatishlari-yu, Jamshid Iskandarov, Diyorbek Turapov va yana bir qancha yoshlarimizning o`zini maydonda erkin his eta olishi, har qanday futbol muxlisini quvotirgan bo`lsa ajabmas.

O`yin ikkinchi bo`limini vakillarimiz juda faol boshlashdi. Xorvatiyaliklar darvozasi oldida bir qator xavfli xujumlarni tashkil etishdi. Lekin bo`lim o`rtalariga kelib, aniqrog`i 65 daqiqada standartdan uzatib berilgan to`pni Marko Livaya Asilbek Omonov qo`riqlayotgan darvozaga joylab qo`ydi, hisob 1:1. Durangdan keyin ikkala jamoa vakillari hisobda oldinga chiqib olishga harakat qilishdi, lekin futbolchilar qanchalik urunishmasin hisob o`zgarmadi. O`yin 1:1 bilan yakuniga etdi.

Endi 29 iyun kuni vakillarimiz guruh bosqichining 3 tur o`yinlarida Urugvay yoshlariga qarshi maydonga tushishadi. Yoshlarimizga nafaqat keyingi o`yinda, balki shu Jahon chempionatida omad tilab qolamiz.

O`yinni tamosha qilayotib, har qanday futbol muxlisi yodiga yaqinda Milliy terma jamoamiz Braziliyada bo`lib o`tadigan mundial uchun so`ngi saralash baxslaridagi o`yinlari esiga tushgan bo`lsa ajabmas. Ha, to`g`ri aytasiz, kimning ham eslagisi keladi o`sha vaqtni. Lekin keling bir savol berib ko`raylik, aslida kim kimdan o`rnak olishi kerak? Axir milliy terma jamoamiz futbolchilari yosh futbolchilarimizga o`rnak bo`lishi kerak emasmi. Lekin hozirgi vaqtni oladigan bo`lsak aynan yoshlarimiz futbol bo`yicha Jahon chempionati ishtirokchisi, shunday emasmi? Demak, aslida kim kimdan o`rnak olishi kerak?