Kim “Oltin butsa” ga sazovor bo`ldi?

“Barselona” hujumchisi Lionel Messi yakunlangan mavsumda hammadan ko`p gol o`rib, Evropaning nufuzli mukofatlaridan biri sanalmish “Oltin butsa” ga sazovor bo`ldi.

Argentinalik futbolchining Ispaniya chempionatida raqiblar darvozasiga kiritgan 50 ta ajoyib gollari, evropada nufuzli mukofatlardan biriga ega bo`lishiga yordam berdi. Uning asosiy taqibchisi “Real” klubi hujumchisi Krishtianu Ronaldu 46 gol bilan ro`yxatda ikkinchi o`rinni egalladi.

Evropa to`p urarlari ro`yxatida keyingi o`rinni “Arsenal” hujumchisi Robin van Persi bo`lgan,uning hisobida 30 gol bor.

O`zlarining to`purarlik mahoratlarini juda yaxshi namayon etgan Germaniya chempionati vakillari – Klas Yan Xuntelar “Shal`ke” va Mario Gomes “Bavariya” klublari hujumchilari o`z hiosblariga 29 va 26 gol yozib qo`yishga muvofaq bo`lishgan.

“Oltin butsi” mukofatiga nomzod bo`lgan Zlatan Ibragimovich beshinchi o`rinda joylashdi, ammo u Seriya A tarixida bir nechta klublar safida to`p surgan eng yaxshi snayper bo`ldi. Yakuniga etgan mavsumda Zlatan Ibragimovich “Milan” ga 28 ta gol olib kelgan.

“Manchester Yunayted” hujumchisi Ueyn Runi Premer-ligada 38 turda o`zining jamoasiga “Sanderlend” ustidan (1:0) hisobida g`alaba olib keldi, lekin bu gol bilan shvedtsiyalik to`p urarga etib olaolmadi. Angliyalik futbolchining natijasi – 27 gol.

24 goli bilan madridning “Atletiko” klubi eng yaxshi to`p urari Radamel Falkao “Vilyarreal” ni Segundaga jo`natib qo`ydi – 1:0.

1. Lionel Messi (“Barselona”) – 50 gol – koeffitsient 2 – 100 ochko

2. Krishtianu Ronaldu (“Real”) – 46 gol – koeffitsient 2 – 92 ochko

3. Robin van Persi (“Arsenal”) – 30 gol – koeffitsient 2 – 60 ochko

4. Klas-Yan Xuntelar (“Shal`ke”) – 29 gol – koeffitsient 2 – 58 ochko

5. Zlatan Ibragimovich (“Milan”) – 28 gol – koeffitsient 2 – 56 ochko

6. Ueyn Runi (“Manchester Yunayted”) – 27 gol – koeffitsient 2 – 54 ochko

7. Mario Gomes (“Bavariya”) – 26 gol – koeffitsient 2 – 52 ochko

8. Burak Il`maz (“Trabzonspor”) – 32 gol – koeffitsient 1,5 – 48 ochko

= Bas Dost (“Xerenven”) – 32 gol – koeffitsient 1,5 – 48 ochko

= Radamel` Fal`kao (“Atletiko”) – 24 gol – koeffitsient 2 – 48 ochko

= Diego Milito (“Inter”) – 24 gol – koeffitsient 2 – 48 ochko