O`zbekistonning Marg`ilon shahrida istiqomat qiluvchi 65 yoshlik Akrom Ma`rufjonov Rossiyada bo`lib o`tadigan JCh-2018 musobaqasi o`tkaziladigan shaharlarni velosipedda aylanib chiqishni rejalashtirmoqda.
Ma`lumotlarga qaraganda, sayohatchi yolg`iz borish niyatida emas va hozirda o`ziga sherik izlamoqda.
Qizig`i, bu sayohat Ma`rufjonov uchun birinchisi emas. U 1995-yilda velosipedda Makka shahriga haj safari qilgan. 2006-yilning yozida Germaniyaga sayohat qilgan va Germaniya terma jamoasi darvozaboni Oliver Kan bilan uchrashib, unga suvenir sovg`a qilgan. O`shanda u Germaniyaa o`tgan jahon chempionatiga borish uchun 6800 km yo`lni bosib o`tgan. U 2010-yilda JAR mamlakatidagi va 2014-yilda Braziliyadagi jahon chempionatiga bora olmaganidan afsuslanadi.
JCh-2018 uchrashuvlari Rossiyaning 11 shaharlarida o`tkaziladi: Moskva, Sankt-Peterburg, Qozon, Nijniy Novgorod, Saransk, Kaliningrad, Volgograd, Ekaterinburg, Samara, Sochi va Rostov-Don.
Manba: Stadion.uz
Qoil qolish kerak. Bizda ham shunday odamni qoil qoldiradigan otahonlar bor ekanku. Lekin negadir ilgari bu otahon haqida eshitmagan ekanman.