18 iyun` kuni Toshkentdagi “Bunyodkor” stadionida O`zbekiston va Qatar milliy terma jamoalari JCh-2014 saralash ucharshuvi doirasida maydonga tushishadi. Hozirda mazkur muhim uchrashuvga terma jamoa fan-klubi ham qattiq tayyorgarlik ko`rmoqda. Jumladan, mazkur klub sardori Abdurahmon Fozilovning uff.uz sayti ma`lum qilishicha Qatar bilan o`yinda barcha muxlislarning davlatimiz madhiyasini baravar ijro etishi uchun sharoit yaratiladi.
— Fan-klub tomonidan qanday yangi loyihalar amalga oshirilmoqda?
O`tgan o`yinda madhiyamiz paytida butun stadion davlatimiz bayrog`i tusiga kirgan bo`lsa, bu o`yinda butun match davomida o`yingoh bayrog`imizni aks ettirib turadi. Xo`sh, bunga qanday erishamiz, degan savol tug`ilishi tabiiy. Federatsiyamiz yordami bilan O`zbekiston-Qatar o`yini kuni o`yingohga tashrif buyurgan har bir tomoshabinga davlatimiz bayrog`ining to`rt xil rangidagi futbolkalar va O`zbekiston bayroqchalari sovg`a qilinadi.
Davlatimiz madhiyasini barcha muxlislar yoddan bilishiga shubhamiz yo`q bo`lsa-da, madhiya yanada mukammalroq ijroda bo`lishi uchun futbolkalarning elka tomoniga O`zbekiston madhiyasi matni tushirilgan bo`ladi. Maqsadimiz, madhiyamizni ishqibozlar shu darajada ijro etishsinki, bundan futbolchilarimizning ruhiyati ko`tarilib, raqib jamoa o`yinchilarini tizzalari qaltirab qolsin. Chempionat.uz sayti xabar berishicha ushbu 34 000 dona futbolkalarning ko`rinishi quyidagicha ko`rinishda bo`ladi.
O`sha kuni stadionga keladigan muxlislardan iltimosimiz, har bir o`rindiqqa yaxlit “mozaika” tasviri tashkil etish uchun bayrog`imizning to`rt rangidagi futbolkalar tarqatiladi, shuning uchun mabodo joy almashtirishga to`g`ri kelgan taqdirda ham, futbolkani o`sha o`rindiqdagi muxlis bilan alishtirib olishlarini so`raymiz. Shunda, aytaylik, bayrog`imizdagi moviy, oq, yashil rangi yoki qizil chiziq tashkil etishi kerak bo`lgan rangli futbolka boshqa joyda bo`lib, mozaika buzib ketilishining oldi olingan bo`ladi. Futbolkalarning oldi tarafida O`zbekiston yozuvi ham bo`ladi. Bundan tashqari, muxlislar uchun yana qo`shimcha “zo`r” yangiliklarimiz bor, lekin bu hozircha “sir” bo`laqolsin…
— Stadionda muxlislarga ko`mak beruvchi ko`ngillilar bo`ladimi?
— Jamoamizni qo`llab-quvvatlash bilan bir qatorda 200 nafar futbolsevar ko`ngilli (volontyor) muxlislarning stadionga kirishlarida kutib olib, ularga yaqindan yordam beradilar.
Haqiqatdan ham zo’r g’oya!!! Shu bilan futbolchilarimizni ruhiyati ham ko’tariladi!!! Qani OLG’A O’ZBEKISTON!!!!!
Salom. Bunyodkor fun clubiga qanday a’zo bo’lish mumkun ?