Rossiya – O`zbekiston 2:0

Hozirgina MDH kubogi yarim finali to`rtinchi ishtirokchisi aniq bo`ldi. So`ngi chorak final baxsida Rossiya va O`zbekiston yoshlari terma jamoalari maydonga tushushdi. Aytib o`tish joyizki, bu o`yinda hamyurtlarimiz juda chiroyli o`yin ko`rsatishdi, lekin omad bu safar Rossiya yoshlari tarafida bo`ldi. O`yin hisobi Rossiya – O`zbekiston 2:0!

Uchrashuvning birinchi bo`limi 31 daqiqasida rossiyalik yoshlar hisobni ochishdi. Shundan so`ng futbolchilarimiz Rossiya yoshlari darvozasi oldida ancha xavfli bo`lgan xujumlarni tashkil etishdi, lekin bu xujumlarning birontasi gol bilan yakunlanmadi. Shunday qilib jamoalar 1:0 hisobida tanafusga chiqib ketishdi.

Ikkinchi bo`limda Rossiya yoshlar terma jamoasi murabbiyi jamoa o`yinida taktik o`zgartirish kiritganligi yaqqol sezildi. Uchrashuv ikkinchi bo`limida rossiyalik futbolchilar maydon markazida ancha ishonchli xarakat qilishdi. Shunga qaramasdan futbolchilarimiz raqib jamoa darvozasi oldida juda xavfli xujumlarni uyushtirishda davom ettirishdi. Shunday xavfli xujumlarning birida top xatto darvoza to`siniga tegib yana maydonga qaytdi. Afsus, futbolchilarimizning shuncha urunishlari samarasiz yakunlandi. O`yin tugashi arafasida rossiyalik futbolchilar yana bir bor Omonov darvozasini ishg`ol etishdi. Va tablodagi 2:0 hisobi bilan MDH kubogi so`ngi chorak final o`yini yakuniga etdi.

Bu g`alabadan keyin Rossiya yoshlar terma jamoasi  Belorusiya futbolchilari bilan final baxsi uchun maydonga tushushsa, 25 yanvar kuni esa O`zbekiston va Qozog`iston yoshlari 5-8 o`rinlar uchun yana o`zaro baxslashadilar.

Yoshlarimiz MDH kubogida qanday natija ko`rsatishidan qat`iy nazar, ular bu kubokda biz muxlislarga juda chiroyli o`yin taqdim etishdi. Buning uchun ularga katta raxmat!

Sizchi aziz futbol muxlislari, siz jamoamiz o`yinini qanday baholaysiz?