Dam olish uyat emas: hayot muvozanatiga erishish uchun 3 ta maslahat

Agar ofisdan o’z vaqtida chiqib ketganingizda o’zingizni aybdor his qilsangiz va dam olish kunlari ishlasangiz, nimanidir o’zgartirish vaqti keldi.

Ma’lumki, vaqt – bu pul, ayniqsa daromad mijozlar soniga bog’liq bo’lsa. Har doim biror narsa qilish kerak degan fikrdan xalos bo’lish qiyin: agar siz aniq vazifa ustida ishlamasangiz, bu yangi aloqalar o’rnatish, ko’nikmalarni oshirish yoki o’z sohangizning yangiliklarini kuzatishni anglatadi. Bunday bosimda aybdorlik hissi paydo bo’ladi.

“Ammo siz zaryadlanishi kerak bo’lgan telefonga o’xshaysiz”, deydi Julie Morgenstern, samaradorlik bo’yicha mutaxassis va vaqtni boshqarish bo’yicha muallif. – “Bo’sh vaqt aynan shu uchun. O’z manfaatingiz va ishingiz manfaati uchun dam oling”. Buni o’zingizga eslatib turing.

1. Dam olishga bo’lgan munosabatingizni o’zgartiring

Ko’pchilik bo’sh vaqtni ish hisobiga o’ziga sovg’a sifatida qabul qiladi. Ayniqsa, agar siz o’z biznesingiz yoki frilans bilan shug’ullanayotgan bo’lsangiz. Nuqtai nazaringizni o’zgartirishga harakat qiling. “O’zingizga tanaffus berganingizda, o’zingiz va ishingiz o’rtasida tanlov qilayatogandek o’ylamang”, deb maslahat beradi Morgenstern. “Aksincha, bu sizning biznesingiz va mijozlaringiz oldidagi majburiyatingizdir.”

Bundan tashqari, tadqiqotlar haftasiga 50 soatdan ortiq ishlasangiz, unumdorlik keskin pasayishini ko‘rsatdi. Va 55 soatdan ortiq ishlaganingizda, bu hech qanday foyda keltirmaydi: 70 soatlik va 55 soatlik ish haftasi natijalari bir-biridan farq qilmaydi.

Haddan tashqari ish yuki nafaqat unumdorlikka zarar yetkazadi. Agar siz muntazam ravishda kuniga 10 soatdan ortiq ishlasangiz, yurak-qon tomir kasalliklari va gormonal kasalliklar xavfi ortadi. Bu yaqinlar bilan munosabatlarga ham salbiy ta’sir qiladi. Shunday qilib, dam olishga ish va shaxsiy farovonlikning ajralmas qismi sifatida qarang.

2. Faoliyatingizga oddiy ishdek munosabatda bo’ling, hatto uni juda yaxshi ko’rsangiz ham

Ba’zilar uchun o’ziga xoslik ish bilan, ayniqsa ijodiy kasb egalari uchun qattiq bog’langan. Agar ular doimo o’z bizneslari bilan band bo’lmasalar, nafaqat uyat hissi, balki shaxsiyat inqirozi ham paydo bo’lishi mumkin.

Bu fikr frilanserlar va tadbirkorlar orasida ham keng tarqalgan. Ular shaxsiy vaqtlarini ish vazifalariga sarflashlari mumkin va buni ish deb hisoblamaydilar. Lekin oxir-oqibat, siz buni dam olish deb atay olmaysiz, hayotingizning biznesi bilan band bo’lsangiz ham, sizga dam kerak.

3. Sarflangan soatlar soniga emas, balki ish sifatiga e’tibor bering

Aybdorlik hissi, shuningdek, vaqtni to’g’ri boshqarmasligingiz bilan bog’liq bo’lishi mumkin, shuning uchun unumdorlik pasayadi. Vaqtni boshqarish usulini o’zgartirishga harakat qiling. “Vaqtni boshqarish deganda men eng yaxshi natijaga erishish uchun zarur bo’lgan energiya va aqliy kuch miqdorini hisobga olish qobiliyatini nazarda tutyapman”, deydi Morgenstern.

Energiyaning ko’tarilishi va tushishi qanday o’zgarganiga e’tibor bering: miya o’chguncha qancha vaqt konsentratsiya qilishingiz mumkin, kunning qaysi vaqti har xil turdagi vazifalarni bajarish yaxshiroqdir.

Aytaylik, siz ikki soatdan ortiq yozolmaysiz va ertalab qiyin vazifalarni yengish uchun eng yaxshi vaqt deb topasiz. Yoki aksincha, ertalab siz monoton ish va mayda-chuyda ishlar bilan shug’ullanishingiz, tushdan keyin esa ijodiy ishga bag’ishlashingiz qulayroqdir. Kuningizni rejalashtirishda ritmlaringizni hisobga oling. Shunda mahsuldorlik yuqori bo’ladi va siz vijdoningiz bilan vaqti kelganda ishni tugatishingiz mumkin bo’ladi.

Esingizda bo’lsin, sizning qiymatingiz siz ishlashga tayyor bo’lgan soatlar soni bilan emas, balki qilayotgan ishingiz sifati bilan belgilanadi.