Hayotingizni nima boshqaradi?

Hammaning hayotini nimadir boshqaradi. Lug`atlarda “boshqarish” so`zi “boshqarish”, “nazorat qilish” va  “yo`naltirish” kabi so`zlar bilan tushuntirilgan. Aynan hozir sizni muammolar, siqilish, yoqimsiz hotiralar yoki qo`rquv boshqarayotgan bo`lishi mumkin. Hayotingizni boshqarishi mumkin bo`lgan juda ko`p holatlar va his-tuyg`ular bor, ammo hozir beshta eng asosiylari haqida aytmoqchimiz.

Juda ko`p odamlarning hayotini aybdorlik hissi boshqaradi. Ular hayotining yarmini afsuslanishlardan qochish va ayblarini yashirish bilan o`tkazadilar. Hayotlarini aybdorlik hissi boshqaradigan odamlarni ko`pincha xotiralar qiynaydi. O`tmish ularning kelajagini boshqarishiga yo`l qo`yib beradilar. Ular o`zlari bilmagan holda muvaffaqiyatlariga shikast etkazib o`zlarini jazolaydilar.
Bizlar o`tmishning mevasimiz, ammo o`tmishga qul emasmiz. Xudo hayotingizning qolgan qismida ham ajoyib ishlar qiladi.

Juda ko`p odamlarning hayotini jaxl boshqaradi. Ular jaxlni yuraklaridan chiqarib tashlash o`rniga, avaylab yuragida saqlaydi. Ular shu jaxlga sabab bo`lgan xotiralarni qayta-qayta esga oladilar. Hayotlarini jaxl boshqaradigan odamlarning ba`zilari, g`azabini ichlarida saqlaydilar, ba`zilari esa jaxllarini boshqalarga sochadilar. Jaxl sizning jaxlingizni chiqargan odamdan ko`ra sizni ko`proq qiynaydi. Sizni hafa qilgan odam, hafa qilganini esidan chiqarib yuboradi. O`tmishingizdagi jaxl sizning buguningizga ta`sir qilmasligi kerak. O`tgan narsa o`tib ketdi. Jaxlni yuragingizdan chiqarib tashlang.

Juda ko`p odamlarning hayotini qo`rquv boshqaradi. Ularning qo`rquvlari bolaligida olgan ruhiy travmalar, kutilmagan daxshatli holatlar, yomon oilada o`sganining ta`siri bo`lishi mumkin. Sababi nima bo`lgan taqdirda ham hayotini qo`rquv boshqaradigan odamlar juda ko`p imkoniyatlardan quruq qoladilar. Ular tavakkal qilishga qo`rqib, hayotlarini osonroq qilishni xohlaydi.

Juda ko`p odamlarning hayotini materializm boshqaradi. Bunday odamlar hayotda qancha ko`p narsaga ega bo`lsam, shuncha baxtli bo`laman deb o`ylashadi. Ammo moddiy narsalar ularni vaqtinchalik xursand qiladi holos.

Juda ko`p odamlarning hayotini boshqalarning roziligini olish xohishi boshqaradi. Ular hayotlarini ota-onasi, xotini, bolalari, o`qituvchisi yoki do`stlari boshqarishiga yo`l qo`yib beradilar. Menda muvaffaqiyatning hamma kalitlari yo`q ammo qoqilishning birinchi kaliti bu – hammaga yoqishga harakat qilishdir.

Sizchi aziz do`stim, sizning hayotingizni nima boshqaradi?