Ikki yildan so’ng boyib ketasiz: Robert Kiyosakidan pulni ko‘paytirish bo‘yicha tavsiyalar

Taniqli tadbirkor, investor va dunyodagi eng mashhur moliyaviy savodxonlik haqidagi kitoblardan biri — “Boy ota, kambag‘al ota” asari muallifi Robert Kiyosaki millionlab odamlarning pul haqidagi fikrini o‘zgartirgan. U har kim moliyaviy cheklovlardan chiqa olishi va ko‘proq pul topa olishi uchun yordam beruvchi maslahatlarni aytib o‘tdi. Robert so‘zlariga ko‘ra, boy bo‘lishning asosini moliyaviy savodxonlik tashkil qiladi.

Pul va hukmronlik

Kiyosaki aytganidek, kuch bu — hukmronlikning bir turi, biroq haqiqiy kuch pulning miqdorida emas, balki uni qanday boshqarishdadir. Puldan qanday foydalanishni bilsangiz hamda uning oqimini nazorat qilsangizgina, boyligingiz oshishi mumkin.

Moliyaviy savodxonlik muvaffaqiyat kalitidir

Moliyaviy savodxonlik deganda pulning qanday ishlashini tushunish, qanday investitsiya qilish, tavakkalchilik hamda oqilona moliyaviy qarorlar qabul qilish tushuniladi. Moliyaviy savodxonlik hatto eng qiyin iqtisodiy vaziyatlar va inqirozlarda ham bozorni tushunish va nazorat qilishga yordam beradi.

Mazkur bilim nafaqat ko‘proq daromad olish, balki shaxsiy jamg‘armalarni saqlab qolish va ularni ko‘paytirish imkonini beradi. Muallif ta’kidlaganidek, bilimsiz moliyaviy erkinlikka erishib bo‘lmaydi.

Moliyaviy savodxonlikning asoslari

Aktiv va passiv mulkni farqlash

Ish qilish va daromad olish uchun vaqt yoki harakat sarflashingizni talab qiladigan aktiv hamda minimal vaqt sarflash bilan pul oqimi hosil qiladigan aktivni ajrata olish lozim. Kiyosaki daromad keltiradigan aktivlar va pullaringiz kamayishiga olib keladigan xarajatlar — passivlarni farqlash va ulardan qochishga urinishni tavsiya qiladi.

Sarmoya kiritish

Moliyaviy savodxon shaxslar investitsiyalarning har xil turlari — aksiyalar, obligatsiyalar, ko‘chmas mulk va boshqalar haqidagi bilimlarga ega. Investitsiya kiritishni o‘rganish siz hatto uyquda bo‘lsangiz ham, passiv daromad manbalarini yaratishga yordam beradi.

Xavflarni boshqarish

Xavf-xatarlarni boshqarish deganda ehtimoliy xavflarni aniqlash, baholash va ularning biznesga ta’sirini kamaytirish uchun proaktiv strategiyalarni ishlab chiqish jarayoni tushuniladi.

Har qanday moliyaviy faoliyat turli xavflarni o‘z ichiga oladi. Kiyosaki so‘zlariga ko‘ra, mumkin bo‘lgan yo‘qotishlarni minimallashtirish va foydani ko‘paytirish uchun xavflarni boshqara olish lozim. Natijada kutilmagan hodisalardan zararni cheklash va uzoq muddatli barqarorlikni ta’minlash imkonini qo‘lga kiritasiz.

Soliqni rejalashtirish

Soliqlarni samarali rejalashtirish soliq xarajatlarini optimallashtirish, korxonaning foydasini oshirish hamda ishlab chiqarishni yanada takomillashtirish imkonini beradi va moliyaviy savodxonlikning asosiy tarkibiy qismi hisoblanadi. Soliqni rejalashtirish ishlab topgan pulingizni ko‘proq tejaydi va undan samarali foydalanishga yordam beradi.

Moliyaviy rejalashtirish

Byudjetlarni ishlab chiqish, xarajatlarni nazorat qilish va moliyaviy maqsadlarni belgilash moliyaviy mustaqillikka erishishning asosi hisoblanadi.

Xulosa qilib aytganda, moliyaviy savodxonlik, shaxsiy moliyaviy boshqaruv, kirim-chiqim va investitsiyalarni boshqarishni bilish va moliyaviy ko‘nikmalarni amalda qo‘llash yordamida jamiyat yanada boy bo‘ladi va mamlakat iqtisodiyoti rivojlanishiga o‘z hissasini qo‘shadi.