Qanday qilib ishonchsizlikni engish mumkin?

Ko`pchilikning oldida gapirishga yoki o`qish va ishda biror bir mavzuni ifodalashga o`zingizda ishonchsizlik his qilasizmi? Yangi psixologik tadqiqotga ko`ra har bir inson bir necha daqiqa ichida o`z qo`rquvlarini va ishonchsizliklarini engishi mumkin ekan.

Har bir inson o`z vaqtida shunday vaziyatlarga tushadi, bunday vaziyatda sabr-toqat va qanoat muhim rol o`ynaydi. Masalan oddiygina misol,yoqtirgan notanish qiz yoki kelishgan yigit bilan tanishib gaplashishga hattoki botirlik kerak bo`ladi. Shuningdek, imtihon yoki biror bir muhim suhbat oldidan ishonchsizlik va qo`rquv bo`lishi mumkin.

Yangi psixologik tadqiqotga ko`ra, qo`rquvlarni engishning eng yaxshi usul – bu o`z o`zi bilan gaplashish ekan. Aniqrog`i, o`ziz bilan – uchinchi shaxs sifatida gapirish va albatta o`z ismimiz bilan chaqirishdir. Masalan, inson o`ziga: “Men juda yaxshi imtihonga tayyorgarlik ko`rdim ” o`rniga ” Rustam juda yaxshi imtihonga tayyorgalik ko`rdi ” deb aytishdir.

Olimlarning fikriga ko`ra, inson o`ziga uchinchi shaxs sifatida gapirish orqali ichki qo`rquvlarini kamaytiradi, ammo inson o`zi bilan birinchi shaxs sifatidi gapirganda shunday natijaga erishilmas ekan.

Tajribalar shuni ko`rsatdiki, o`z haqida uchinchi shaxs sifatidi gapirgan insonlar katta auditoriya oldida juda ishonchli o`zlarini ko`rsata olganlar va albatta boshqa insonlarga o`zlarini yaxshi tarafdan ko`rsatishgan. Hozirgi kunga kelib ko`pchiligimiz shunga o`xshash vaziyatlarga to`qnash kelamiz va shunday holatlarda biz o`zimizni qanchalik boshqara olishimizni ko`rishimiz mumkin.