Rostguylik!

Yolg`on gapirish bu kimnidir o`z harakatlari bilan yoki so`zlari bilan aldashdir. Inson hattoki jim turib ham aldashi mumkin ekan. Qanday qilib deysizmi? Masalan nimadir ayib ish qilib qo`ydingiz. Sizdan kim qildi deb so`rashlari mumkin, siz esa lom-mim demay turibsiz albatta, sizni savolga tutgan kishi boshqa inson haqida o`ylashi mumkin.

Demak siz uni aldadingiz. Hattoki oddiy voqeani ham lof urib ko`pirtirib gapirish ham yolg`on hisoblanar ekan. Sizni tinglab turgan kishining tasavvurida ikki barobar shu mavzu haqida tasurot bo`lishi ham mumkin. Aslida esa unday bo`lmasligi ham mumkin-ku.

Bundan tashqari boshqalar bilan bo`lgan munosabatga ham putur etqazadi. Ba`zi paytlarda yolg`on gapirishga majbur bo`lamiz, lekin bunday majburlik bizni Xudovand oldida oqlamaydi. Yana munosabat o`rnatishimizda muxim sanalgan narsalardan biri, kimningdir oldida uni maqtab yoki u kishi xaqida yaxshi iliq gaplarni aytib, orqasida umuman aksincha gapirishimizdir.

Insonlarga bunday munosabat qilishimiz umuman yaramaydi. Agar ishxonada doimo shunday qilishda davom etadigan bo`lsangiz, nafaqat do`stlaringizni yo`qotasiz, balki xech kim sizga ishonmay qo`yishi ham anniq. Xalqimiz “boshinga qilich kelsa ham rost gapir” deydi.

Kimgadir to`g`ri gapni yuziga gapirishdan qo`rqmang. Lekin gapirish vaqtida ovozingizning toniga ham ko`p narsa bog`liqligini yodingizdan chiqarmang. Doimo rostguy bo`lish insonlar orasida obro`ngizni saqlab qolishingiz uchun muxim rol o`ynaydi. Oilangizda ham doimo rostguy bo`ling bolalaringizni ham yoshligidan shunga o`rgatib borsangiz kelajakda yaxshi xosil olishingizga xech ikkilanmasangiz ham bo`ladi.

Sizchi do`stim, siz ham yolg`ondan foydalanib turasizmi? Yolg`on ham yaxshi niyatda ishlatilinishi mumkinmi?