Siz baxtlimisiz?

Inson hayotga bir marta keladi, yashaydi, kamolga etadi, mehnat-mashaqqatlar bilan baxt-saodatini yaratadi, odamlarni ham, o`z umrini ham yashnatadi, yaxshi yomon xotiralarni qoldirib, ularni kechiradi. Bu hayotga har bir inson yashash uchun o`z umri davomida orzu-istaklarini amalga oshirish uchun harakat qiladi. Faqat nimalarni xohlashimizni to`g`ri anglasak bas.

Baxt – insonning faolyati natijalaridan, hayotda qo`lga kiritgan yutuqlaridan to`la qoniqishi, yashash tarzidan mamnunligi, muayyan maqsadga etgani, orzu-umidining ushalishi sifatida namoyon bo`ladigan ma`naviy – ahloqiy tushunchadir.

Qadimgi yunonlar “baxt”ni – “Yaratganning marhamati” deb hisoblaganlar. Sharq falsafasida esa “baxt” – sog`lom, uzoq umir, pul muammosidan holi bo`lish, hayot uchun barcha shart – sharoitlarning mavjudligi tushinilgan.

Hozirgi kunga kelib insonlar baxtni turlicha tushinadilar va uni turlicha qabul qiladilar. Ko`pgina hollarda insonlarning baxtli bo`lishi bu pul va boylik bilan o`lchanmoqda. Albatta bizning pul muammosidan holis bo`lishimiz, bizga hotirjamlik olib keladi. Ammo boylik bizni baxtli qila oladimi? Agar inson kambag`allikda o`zini baxtli deb hisoblamas ekan, vaqti kelib u inson boy va badavlat bo`lganida ham baxtli bo`lolmaydi.

Ikki inson baxtni qidirish uchun safarga chiqibdi. Ular barcha er yuzini aylanib chiqibdilar, ammo baxtni topisha olmabdilar. Undan so`ng samoning eng cho`qqisiga va so`ngra dengizning eng tubiga tushibdilar, ammo u erda ham baxtni topa olmabdilar.

Inson baxti bu uning yuragida joylashgan. Agar biz baxtli bo`lishni istasak, biz avvalo o`zimizning yuragimizni tekshirishimiz zarur. Bizning yuragimiz tub-tubida nima joylashgan? Ezgulik yoki hasadgo`ylik, kechirim yoki kechirmaslik, sevgi yoki nafrat, minnatdorchilik yoki nola, tinchlik yoki g`azab. Qachonki bizning qalbimizdagi niyat va xohishlarimizni ijobiy tomonga o`zgarar ekan, shundagina biz baxtli bo`la olishimiz mumkin. Shundagina bizning yon-atrofimiz o`zgaradi.

Yuqoridagilardan xulosa qilsak, ertalab uyg`onganimiz – baxt, nafas olayotganimiz – baxt, ko`zimizning ko`rayotgani va qo`l oyog`imizning harakatlanayotgani – baxt, sog` – salomat ekanligimiz – baxt, do`stingizni muvaffaqqiyatga erishishi – baxt, ota – onamizning, farzandlarimizning va yaqinlarimizning davrasida ekanligimiz – baxt, yurtimizning tinchligi bu inson – baxt. Bu dunyodagi hamma narsa inson uchun, insonning baxti-saodati uchun yaratilgandir.