Apple iPhone 16 smartfonini taqdim etdi

9 sentabr kuni It’s Glowtime taqdimoti doirasida Apple yangi gadjetlari taqdim etdi: iPhone 16, iPhone 16 Plus, iPhone 16 Pro, iPhone 16 Pro Max, yangi AirPods va Apple Watch Series 10.

Quloqchinlar yangi funksiyalarga ega bo‘ldi, narxlar 129 dollardan boshlanadi.

Apple korporatsiyasi «It’s Glowtime» taqdimoti doirasida yangi AirPods 4 quloqchinini taqdim etdi.

Quloqchinning ikkita versiyasi chiqariladi: birida shovqinni faol bostirish funksiyasi bo‘ladi, ikkinchisida esa yo‘q.

Quloqchinlar dinamiklarning yangi geometrik joylashuvi tufayli yaxshilangan ovozga ega H2 protsessorini oldi. Qurilmada atrofdagi tovushlarni eshitish uchun shaffoflik rejimi mavjud, masalan, shaharda «avariyalar»ning oldini olish uchun. Eshitish vositasining qutisi kichikroq bo‘ldi. Endi odam bilan suhbat davomida musiqa ovozi avtomatik pasaytiriladi, shunda foydalanuvchi musiqani qo‘lda o‘chirishi yoki to‘xtatishi shart bo‘lmaydi.

AirPods 4 quloqchini 20 sentabrda sotuvga chiqariladi, uning narxi shovqinni bostirish funksiyasi bilan 179 dollar va bunday funksiyasiz 129 dollar. Kompaniya, shuningdek, USB-C portiga ega AirPods Max 2 quloqchinini ham taqdim etdi. U 549 dollar narxda sotuvga chiqariladi.

Shuningdek, yangi AirPods Pro quloqni baland shovqindan himoya qiladi – funksiya neyron tarmoqlar yordamida avtomatik ravishda ishlaydi. Quloqchindan foydalanib, eshitish testini o‘tkazish mumkin bo‘ladi, shundan so‘ng foydalanuvchi grafiklar bilan hisobot oladi. Quloqchin eshitish qobiliyatiga moslashadi va foydalanuvchilarning quloqlarini baland tovushlardan himoya qiladi, masalan, konsertda. Taqdimotda kompaniya AirPods Pro narxi va chiqarilish sanasi haqida ma’lumot bermadi.

Apple kompaniyasi 9-sentabr kuni It’s Glowtime taqdimotida Watch Series markali aqlli soatlarining o‘ninchi avlodini namoyish etdi. Soatning dizayni va funksiyalari yangilandi, ekran yorqinligi 40 foizga oshdi.
Yangi modelda ko‘proq matn sig‘ishi mumkin, ekranni Ion-X oynasi himoya qiladi. Soat suvga chidamli, korpusi alyuminiydan qilingan va kuchli dinamik bor.
Apple Watch Series 10 soatlari 20-sentabrdan sotuvga chiqariladi. GPS-versiyasi uchun narxi 399 dollar, LTE-versiyasi uchun esa 499 dollardan boshlanadi.

U oldingilariga nisbatan sezilarli darajada yupqa, ekran esa kattaroq, shuningdek, sun’iy intellekt funksiyalari bilan ta’minlangan.

Apple kompaniyasi 9 sentabr kuni It’s Glowtime taqdimotida Watch Series markali aqlli soatlarining o‘ninchi avlodini namoyish etdi.

Oldingilariga nisbatan soat sezilarli darajada yupqalashdi (atigi 9,7 mm), ekran esa nozikroq ramkalar tufayli kattalashdi. To‘rtburchak ekranning diagonali endi 2 dyuymni tashkil etadi, yorqinligi esa oldingi avlodga nisbatan 40 foizga oshdi.

Apple vakillariga ko‘ra, endi ekranga yanada ko‘proq matn sig‘ishi mumkin, bu esa soatdan foydalanishni ancha qulayroq qiladi. Ion-X oynasi ekranni himoya qilish uchun mas’ul.

Yangi metall orqa panel ko‘proq turli sensorlar va antennalarni joylashtirish imkonini beradi. Yangi komponentlar suvga chidamlilikka ta’sir qilmadi — avvalgidek 50 m.

Korpus alyuminiydan qilingan. Endi yon tomonda kuchli dinamikning katta panjarasi mavjud bo‘lib, u hatto musiqa tinglash uchun ham mos keladi.

Apple shuningdek, atigi 30 daqiqada 80 foiz quvvatlash imkonini beruvchi kattaroq quvvat katushkasini taqdim qildi. Avtonomiya odatdagi 18 soatlik faol foydalanish bilan cheklangan.

Watch Series o‘ninchi avlodi albatta, matnni tarjima qilish, soat yuzasiga fotosurat o‘rnatish, uyqu, nafas olishni aniqlash va hokazolar uchun ishlatiladigan sun’iy intellekt funksiyalari bilan to‘ldirilgan.

Soatning alyuminiy versiyasidan tashqari, sayqallangan titan versiyasi ham bo‘ladi, hatto uchta turli xil ranglarda.

Apple Watch Series 10 soatlari 20 sentabrdan sotuvga chiqariladi. Narxlar GPS-versiyasi uchun 399 dollardan va LTE-versiyasi uchun 499 dollardan boshlanadi.

iPhone 16 va iPhone 16 Plus

Ikki asosiy model «ixchamroq va kattaroq» paradigmani saqlab qoldi. iPhone 16 6,1 dyuymli displeyga ega, iPhone 16 Plus esa 6,7 dyuymli paneldan foydalanadi.

Asosiy vizual farqlardan biri bu orqa tarafdagi kameraning yangi dizayni – linzalar endi iPhone X modelidagi kabi bir-birining ostida joylashgan. Yangi mahsulotlarni o‘tgan yilgi modellardan farqlash oson bo‘ladi.

Ikkala model ham moslashtiriladigan Action tugmasi bilan foto va video suratga olish uchun sensorli Capture tugmasiga ega bo‘ldi. Undan kattalashtirish yoki fokuslash uchun foydalanish mumkin.

Qurilmaning unumdorligi yangi neyron dvigatelga ega Apple A18 chipseti tomonidan boshqariladi, bu sizga turli sun’iy intellekt (SI) operatsiyalarini bevosita qurilmada tezda bajarish imkonini beradi.

Dastlabki ma’lumotlarga ko‘ra, ikkala smartfon ham 8 Gb tezkor xotiraga ega bo‘ladi – aynan shu Apple Intelligence chiplarining to‘g‘ri ishlashi uchun zarur.

iPhone 16 va iPhone 16 Plus besh rangda taqdim etiladi: qora, oq, pushti, ko‘k va yashil.

iPhone 16 Pro va iPhone 16 Pro Max

Flagman modellari ancha nozikroq ramkali ekranlarni oldi, bu esa foydalanuvchilarga tanish o‘lchamlarni saqlab qolgan holda displeylarni biroz kattalashtirish imkonini berdi. Endi iPhone 16 Pro diagonali 6,3 dyuymga, iPhone 16 Pro Max esa 6,9 dyuymga teng (uning o‘tmishdoshlari mos ravishda 6,1 va 6,7 dyuymga ega).

Pro versiyalarida protsessor yangilandi – Apple A18 Pro. Bu yangi chipning yanada kuchli versiyasi.

Ikkala flagman ham 48 megapikselli ultra keng burchakli kameraga ega bo‘ldi, bu iPhone 15 Pro’dagi 12 megapikselli moduldan sezilarli darajada ustundir. Ikkala modeldagi telefoto kamera hozirda eng yuqori darajaga ega bo‘lib, sifatni yo‘qotmasdan 5x optik kattalashtirishni qo‘llab-quvvatlaydi (ilgari bu faqat iPhone 15 Pro Max’da mavjud edi).

8K video yozish, 3D fazoviy suratga olish rejimi va yangi JPEGXL formatida suratga olish imkoniyati mavjud bo‘lib, u kichikroq fayl hajmida yuqori sifatni ta’minlaydi.

Umuman olganda, iPhone 16 Pro va 16 Pro Max dizayni o‘zgarmaydi, ammo yangi qum rangli Gold Titanium mavjud. U quyuq ko‘k rangli titan o‘rnini egalladi. Qolgan uchtasi bir xil: qora Black Titanium, oq White Titanium va sarg‘ish Natural Titanium.

Narxlar: