iPhone 6, iPhone 6 Plus, Apple Pay va Apple Watch taqdimoti

9-sentyabr` kuni Apple kompaniyasi navbatdagi taqdimotini o`tkazdi. Ushbu taqdimot vaqtida Apple yangi iPhone modellarini, «aqlli» qo`l soati Apple Watch, yangilangan operatsion tizim iOS 8 va shaxsiy Apple Pay to`lov tizimini taqdim etdi.

Apple taqdimoti Kupertinoda «Flint-tsentr»da bo`lib o`tdi, u erda bir vaqtlarda Macintosh komp`yuterining taqdimoti o`tkazilgan edi. Marosimni korporatsiya rahbari Tim Kuk ochib berdi va u boshida iPhone ning ikki yangi versiyalarini iPhone 6 va iPhone 6 Plus larni namoyim qildi.

iPhone 6 va iPhone 6 Plus

Kompaniya byudjetli modellarni ishlab chiqarish g`oyasidan voz kechdi va e`tiborini Samsung bilan raqobatga qaratgan desa ham bo`ladi. Yangi Apple smartfonlari bir biridan o`lchamida farq qiladi. Ekran diagonali 4,7 va 5,5 dyuym, bu esa oldingi iPhone 5S (4 dyuym) smartfonidan kattaroq diagonal` deganidir.

Yangi smartfonlar iPhone 5 dan ko`ra dumaloq shaqlga ega, o`tkir burchaklar esa yo`q. Yangi Retina-displey esa 1334×750 ruxsati iPhone 6 uchun va 1920×1080 Plus versiyasi uchun. Moslama uch hil, kumush, kulrang va oltin ranglarda chiqariladi. iPhone 6 ga A8 protsessor o`rnatilgan, uning ishlash kuchi birinchi iPhone dan 50 baravar kuchliroq, hamda yangi iPhone 6 atmosfer haroratini tekshirish uchun barometr, ma`lumotlarni jo`natish uchun LTE-chipi o`rnatilgan va Wi-Fi ulanish tezligi oshirilgan. Yangi iPhone 6 iOS 8 operatsion tizimida ishlaydi va unda ko`p yangi funktsiyalar paydo bo`ldi.

Tim Kukning e`tirof etishicha, yangi iPhone 6 ekologik toza maxsulot: displeyda simob va margimush moddalaridan foydalanilmagan. Smartfonda berilliy ham yo`q, ular allyuminiydan qilingan va keyinchalik ularni qayta ishlasa bo`ladi. Apple iPhone 32 GB versiyasidan voz kechgan. Endi smartfonlar 16 GB, 64 GB va 128 GB xotira hajmiga ega bo`ladi. Yangi smartfonlarga buyurtma 12-sentyabrdan boshlanadi, sotuvga esa 19-sentyabrdan 9 mamlakatlarda chiqadi.

Apple Pay

Yangi iPhone taqdimotidan so`ng, kompaniya o`zining shaxsiy to`lov tizimini taqdim etdi. Ushbu tizim smartfonni bank kartalar o`rniga ishlatishga imkoniyat beradi. To`lovni bajarish uchun smartfonni PayPass terminal oldiga olib borib va barmoq izlar identifikatsiyasidan o`tish kerak bo`ladi. Apple to`lov tizimni iTunes va App Store bilan birlashtirmoqchi. Yangi kartani kiritish uchun uni shunchaki rasmga tushursa bo`ldi. Apple Pay to`lov tizimi AQSh da boshlanadi, u American Express, MasterCard va Visa kartalar bilan ishlaydi. Boshqa davlatlarda ishga tushirish sanasi belgilanmagan.

Apple Watch

Taqdimotning ohirida kompaniya yangi mahsulotini taqdim etdi – «aqlli» qo`l soati Apple Watch. Ular sotuvga 2015-yilda $349 narxda sotuvga chiqariladi. Apple Watch ikki o`lchamda bo`ladi, yuqori sifatli Retina-displeyga ega bo`ladi, hamda soat ovozli boshqaruv Siri tizimga ega bo`ladi, u orqali siz xabarni matnli ko`rinishga, kalendar tekshirga va qidiruv tizimidan foydalansangiz bo`ladi. Soat simsiz elektr quvvatlantiriladi va Apple Pay to`lov tizimi bilan ishlashi mumkin. Soatlar zanglamaydigan temirdan alyuminiy va oltindan tayyorlangan.