Qay biri kuchli?

N`yu-york shahrida Samsungning to`rtinchi avlod  Android-smartfonining taqdimoti bo`lib o`tdi.  Galaxy S4 ko`rinishidan Samsung’ning avvalgi «flagmani» – Galaxy S3’ni eslatib yuborsada, biroq kompaniya vakillari aniqlik kiritib o`tishgan, yangi qurilma nisbatan «yupqa va mustahkamroq» bo`lib chiqqan.

Shu o`rinda bir savol tug`iladi: Samsung Galaxy S4 eng mashxur iPhone 5 ga raqobat bo`la oladimi? Ularning qay bir kuchli?

Samsung Galaxy S4 ko`rinishi zamonaviy, qurilma og`irligi 130 gramm va qalinligi atigi 7,9 millimetrni tashkil etadi. Korpus polikarbonatdan tayyorlangan. iPhone 5 og`irligi esa 112 gramm, qalinligi esa 7,6 millimetrdan iborat. Ishlab chiqaruvchi kompaniya vakilining so`zlariga ko`ra, dunyoning eng yupqa smartfoni hisoblanadi. Korpusi esa metaldan tayyorlangan.

Galaxy S4 da esa ikkita funktsiya Smart Scroll i Smart Pause funktsiyalari foydalanuvchi e`tiborini o`ziga tortadi. Smart Scroll sizning harakatlaringizni nazorat qilib, uzun e-mail yoki kitob o`qiyotganingizda avtomatik tarzda matnni pastga surib boraveradi. Smart Pause esa sizning xarakatingizni nazorat qilib, ekranga qaramagan paytingizda, siz tomosha qilayotgan fil`m yoki klipni to`xtatib turadi.

Galaxy S4 ning yangi 5 dyuymlik ekranining ruxsat eta oladigan o`lchami 1920 ga 1080 piksel. Displeyning har bir dyuymiga 411 piksel` to`g`ri keladi. Ekran Super AMOLED texnologiyasi asosida tayyorlangan. iPhone 5 ning 4 dyuymlik ekranining ruxsat eta oladigan o`lchami esa 1136×640 piksel, displeyning xar bir dyumiga 326 piksel to`g`ri keladi.

Galaxy S4’da ikkita kamera bor: orqa tomondagi kamera 13 megapikselli bo`lsa, oldi tarafdagisi 2 megapiksel`. iPhone 5  da esa 8 megapikselli kamera, oldi tarafdagisi kamera esa 1,2 megapiksil iborat. Smartfon akkumlyatorining hajmi ko`rsatgichi iPhone 5  ga qaraganda ancha yuqoriroq. Ya`ni Galaxy S4’da  2600 milliamper-soatga teng bo`lsa, iPhone 5’da akkumlyatorining hajmi ko`rsatgichi 1440 milliamper-soatga teng.

Galaxy S4 va iPhone 5  ikkala smartfonda ham 16, 32 yoki 64 gigabaytli ichki xotira bilan ta`minlangan. Samsung qurilmasiga ikkita yangi datchik – namlik va harorat sensorlari o`rnatilgan. Qurilma aprel` oyi oxirida sotuvga chiqariladi (smartfon oq va qora rangli korpuslarda sotiladi). Samsung bergan xabariga ko`ra, Galaxy S4’ni jahonning 155 mamlakatida sotib olish mumkin bo`ladi.

Sizningcha ushbu smartfonlarning qay biri kuchli?