USB-C, yangi tugma va titan korpus — Apple iPhone 15’ni taqdim etdi

Apple kompaniyasi “Mo’jizaga tashnalik” shiori ostida o‘zining ana’naviy taqdimotini o’tkazdi. Taqdimot davomida kompaniya dunyoga yangi gadjetlarni: iPhone 15, 15 Plus, 15 Pro va 15 Pro Max, shuningdek Watch Series 9 va Ultra 2`ni namoyish etdi.

Apple Watch Series 9

Yangi avlod soatlari avvalgi modellar dizaynini va o’lchamlarini saqlab qoladi: 41 va 45 mm. Biroq, Apple yangi pushti rangni qo‘shdi va ekran yorug‘ligini oldingi avlodnikidan 2 baravarga — 2000 nitgacha oshirdi. Bunda Always On rejimida ekran yorug‘ligi 1 nitgacha tushadi.

Yana bir muhim taqdimot bu yangi imo-ishora bo‘ldi. Endlikda soatlarni imo-ishora orqali boshqarish mumkin — ko‘rsatkich va bosh barmoqni bir-biriga tekkizgan holda qo‘ng‘iroqlarga javob berish, sahifalarni o‘tkazish yoki taymerni pauzaga qo‘yish kabi amallarni bajarsa bo‘ladi.

Watch 9 yangi hisoblash platformasi — Apple S9 bilan jihozlangan. iPhone 15 liniyasi singari, soat ham Apple U2 chipiga ega bo’ldi. Apple S9 oldingi chiplardan 50 foizga tezroq va soat endi ovozni 20 foizga yaxshiroq tushunadi. Avtonomlik avvalgidek qolgan — 18 soat.

Yangi Watch 9 alyumin versiyasi qizil, pushti, tilla, kumush va ko‘k ranglarda, titan model esa tilla, kumush va qora ranglarda bo‘ladi.

Gadjetning rasmiy narxi 399 dollardan boshlanadi (4 855 000 so‘m). Oldindan buyurtma berish 12-sentyarbdan, sotuv esa 22-sentyabrdan boshlanadi.

Apple Watch Ultra 2

Apple Ultra soatlarining ikkinchi avlodi oldingisidan dizaynni, yangi Apple S9 protsessorini, U2 chipi va oldingisi bilan bir xil 49 mm o’lchamga ega bo’ldi. Ekran yorug‘ligi 3000 nitgacha yetkazildi. Yangi qo‘shilgan imo-ishoralarni qo‘llab-quvvatlaydi.

Bu yangi gadjet 36 soat avtonomlik va energiya tejash rejimida 72 soat ishlashini va’da qilishmoqda.

Apple Watch Ultra 2 799 dollardan (9 721 000 so‘m) boshlanadi. Oldindan buyurtma 12-sentyabr, sotuv 22-sentyabrdan boshlanadi.

Apple iPhone 15 va 15 Plus

Yangi iPhone’lar iPhone 14 va 14 Plus’ning orqa dizaynini o’ziga meros qilib oldi va shisha panelli bir xil alyuminiy shassisi asosida qurilgan. Oldingi modellardan ko’rinishdagi asosiy farqi — bu o’tgan yili Pro modellari uchun eksklyuziv bo’lib qolgan Dynamic Island interaktiv xoshiyasidir. Bundan tashqari, yangi mahsulotlar uzoq kutilgan universal USB-C portiga ega bo’ldi.

IPhone 15 va 15 Plus ichida o’tgan yilgi Apple A16 Bionic chipi mavjud bo’lib, u 4 nm texjarayon yordamida ishlab chiqariladi. Operativ xotira hajmi bir xil — 6 GB. Smartfonlar, shuningdek, aloqa uchun javob beradigan ultra keng chiziqli Apple U2 chiplari bilan jihozlangan.

Ekran diagonallari o‘zgarishsiz qoldi — mos ravishda iPhone 15 va 15 Plus uchun 6,1 va 6,7 dyuym. Tasvirni yangilash tezligi bir xil — 60 Gs. Asosiy modellar 48 megapikselli asosiy kameraga ega edi, bu esa 2x kattalashtirishga erishish imkonini berdi. Kengburchakli modullar ham 48 megapikselli. Portret rejimi ham yaxshilandi, endi unga maxsus o‘tish shart emas — algoritmlarning o‘zi kameralar qarshisida odam borligini tushunadi. Apple shuningdek, past yorug‘likda va harakatdaga ishlov berishni yaxshilagan. Old kamerada avtofokus ham mavjud.

Apple iPhone 15 va 15 Plus uchun beshta rangni taklif qiladi: qora, yashil, pushti, ko‘k va sariq.

Phone 15 799 dollardan (9 721 000 so‘m) boshlab, 15 Plus esa 899 dollardan (10 938 000 so‘m) sotuvga chiqadi.

Apple iPhone 15 Pro va 15 Pro Max

Kompaniyaning eng yaxshi smartfonlarining tekis qirralaridan orqa panelga o’tadigan qismi biroz yumaloq qilib yasalgan. Bundan tashqari, endi titandan qilingani tufayli qirralar jilosiz bo‘ladi, oldingi avlodlarda ramkalar sayqallangan zanglamaydigan po‘latdan yasalgan.

14 Pro va 14 Pro Max`ning yangi mahsulotlari ingichka displey ramkalari bilan ham ajralib turishi mumkin. Bundan tashqari, uzoq kutilgan universal USB-C porti pastki qismida joylashgan. Shuningdek, ovoz balandligi tugmachalari ustida sozlanadigan tugma paydo bo’ldi, u tovushni o’chirish dastagining o’rnini bosadi. Siz tugmachaga biror amalni biriktirishingiz mumkin.

Ekran diagonallari — iPhone 15 Pro va 15 uchun mos ravishda 6,1 va 6,7 dyuym. Ichki qismida 8 Gb tezkor xotiraga ega Apple A17 Bionic chipi joylashgan. Chip 3nm texnologik protsessordan foydalangan holda ishlab chiqarilgan: 19 milliard tranzistorli, olti yadroli, ikkita yuqori samarali va to‘rtta energiya tejamkor. U soniyasiga 35 trillion operatsiyani qayta ishlashga qodir va Ray Tracing’ni qo‘llab-quvvatlaydi. Smartfonlar uchun Resident Evil Village va Assassin’s Creed Mirage ishlab chiqarilishi rejalashtirilgan.

Chipsetga ultra keng chiziqli aloqaga javob beradigan modul — Apple U2 qo’shildi. Bu Lokator xizmati orqali qurilmalarning holatini aniq kuzatishga yordam beradi.

Apple top modellarining kameralarini yangiladi:

48 megapikselli asosiy modelning sensori kattalashdi;
uch xil fokus uzunliklari bor — 24, 28 va 35 mm (tezkor almashtirish);
Apple ProRES sekundiga 60 kadr tezlikda 4K formatda video suratga ololadi;
iPhone 15 Pro Spatial videoni suratga olishi mumkin, keyin uni Apple Vision Pro bilan tomosha qilish mumkin.

iPhone 15 Pro Max o‘zining telefotomoduli bilan boshqalaridan ajralib turadi. U 15 Pro’dagidek uch marta emas, 5 marta yaqinlashtirish imkonini beradi.

iPhone 15 Pro va Pro Max kulrang, qora, to‘q ko‘k va oq ranglarda sotuvga chiqadi. Narxi mos ravishda 999 dollar (12 154 000 so‘m) va 1199 dollardan (14 587 000 so‘m) boshlanadi.