Italiyalik fotograf bir lahzani suratga olish uchun olti yil vaqt sarfladi

Italiyalik fotograf Valerio Minato umrining olti yilini sanʼat asariga aylangan bitta ajoyib suratni olishga sarfladi. U uzoq vaqt davom etgan faoliyatidagi katta loyihani tamomlaganini maʼlum qildi.

U chiqayotgan Oy fonida Superga katolik cherkovi va Monvizo tog‘ini suratga olishga muvaffaq bo‘lgan.

Minato o‘zining olti yillik ijod ishi haqidagi fikrlari bilan o‘rtoqlashdi.

“15-dekabr 2023-yil, soat 18:52. Osmonning bir burchagida bir necha soniyagina Superga va Monvizo oy bilan unutilmas kechani o‘tkazdi… Tosh qirol, Superga binosi va yarim Oy uchrashib, noyob ko‘rinishni taqdim etdi. Oy ham juda ajoyib ko‘rindi: uning birinchi va oxirgi fazalari quyoshdan keladigan yorug‘lik Yerdan Oyga qaytib, uning sirtining soyada qolgan qismini yoritmoqda” — deydi o‘zining Instagram sahifasida.