“VIA Tashkent” korxonasi tomonidan Toshkent shahri jamoat transporti yo`lovchilari uchun avtobuslarning bekatlarga kelishini onlayn tarzda ko`rsatib turuvchi maxsus informatsion VIA.UZ mobil ilovasi ishga tushirildi deb kun.uz xabar bermoqda.
VIA.UZ dasturi ijtimoiy loyiha bo`lib, yo`lovchilarning jamoat transportini kutish vaqtini tejash hamda jamoat transporti ishini yanada yaxshilashga qaratilgan.
Mobil ilova foydalanuvchilari avtobuslarning bekatlarga kelish vaqtlari bo`yicha ma`lumotlar olishdan tashqari, dastur orqali taklif va mulohazalarini yuborishlari, ushbu sohaga oid yangiliklarni kuzatib borishlari ham mumkin. Unda foydalanuvchi doimiy ravishda avtobuslarga chiqadigan bekatlarni aniqlab olib, kerakli avtobusning kelib-ketish vaqtini kuzatib borishi mumkin. Agarda jamoat transporti haydovchisi yoki chiptachisi tartib-qoidalarni buzsa, deylik bekatlarda to`xtamasdan o`tib ketsa, bu haqda mobil ilova orqali shikoyat yuborishi mumkin.
Loyiha «Toshtransdispetcherxizmat» Unitar korxonasi hamda Toshkent shahar hokimligining yo`lovchi tashishning barcha turlari harakatini litsenziyalash va muvofiqlashtirish Departamenti bilan hamkorlikda yaratilgan.
Ilovani Android va iPhone smartfonlariga yuklab olishingiz mumkin.
Manba: Kun.uz
zor ilova! manga yoqdi. rahmat ma’lumot uchun. eng yoqqan narsa u iOS da xam bor )))
Bu ilovani nominima qanday yuklab olinadi
3TM ilovani nomi hozir, google play yoki app storedan olasiz