Dunyodagi eng katta 10 ta avtomobil. Ulardan birida 26 ta g‘ildirak, basseyn, jakuzi va hatto vertolyot maydonchasi ham bor

Qulaylik va hashamatni o‘zida birlashtirgan dunyodagi eng katta avtomobillar haqida ma’lumot beramiz.

“Amerika orzusi” limuzini

• Uzunligi: 30 metr

Amerikalik dizayner Jey Ohrberg tomonidan Cadillac asosida yaratilgan ushbu limuzin avtomobil olamining afsonasidir. 26 ta g‘ildirak, ikkita boshqaruv kabinasi, basseyn, jakuzi va hatto vertolyot maydonchasi bilan jihozlangan. Avtomobil mutlaq hashamat ramziga aylandi va dunyodagi eng uzun avtomobil sifatida Ginnesning rekordlar kitobiga kirdi.

Superbus

• Uzunligi: 15 metr

Gollandiyalik dizayner Vobo Oskels tomonidan yaratilgan ushbu futuristik avtomobil limuzin va avtobus elementlarini birlashtiradi. Superbus 23 yo‘lovchiga mo‘ljallangan bo‘lib, iqlim nazorati, Wi-Fi va televizor kabi qulayliklar bilan jihozlangan. Vazni 9 tonnadan yuqori bo‘lganda u 250 km/soat tezlikka erisha oladi, bu esa ekologik toza, ammo hashamatli transportni yaratishga o‘ziga xos yondashuvni namoyish etadi.

Commercial Extreme Truck (International CXT)

• Uzunligi: 6,55 metr
• Balandligi: 2,55 metr

CXT nomi bilan tanilgan Commercial Extreme Truck pikap va yuk mashinasi funksiyalarini birlashtirish uchun ishlab chiqilgan. Ushbu avtomobil katta yuk ko‘tarish qobiliyatiga va besh kishiga mo‘ljallangan qulay interyerga ega.

Alton F650

• Uzunligi: 7 metr
• Og‘irligi: 12 tonna

Alton F650 bu — Ford F650 ning modifikatsiyalangan versiyasi. U kuchli dvigatel va pnevmatik “podveska” bilan jihozlangan bo‘lib, sakkiztagacha yo‘lovchini tashishga qodir. Yettita eshik va keng saloni bilan yirik avtomobillar ishqibozlari orasida mashhur.

Chevrolet Kodiak

Kodiak ajoyib universallik va individual yondashuvni taklif qiluvchi o‘rta darajadagi yuk mashinasi platformasiga asoslangan. Kodiak 300 ot kuchiga ega V8 dizel dvigatel, yuk ressorlari o‘rniga pnevmatik “podveska” va premium multimedia tizimi, navigatsiya, televizorlar bilan jihozlangan. Avtomobilning boshlang‘ich narxi esa 70 ming dollardan boshlanadi.

Dodge Power Wagon (Shayx Hamad uchun)

• Uzunligi: 15 metr

Shayx Hamad bin Hamdan Ol Nahayon uchun maxsus yaratilgan Dodge Power Wagon dunyodagi eng katta yo‘ltanlamaslardan biri. Bu gigant 1950-yillardagi klassik Amerika yuk mashinasining 8 baravar kattalashtirilgan nusxasi hisoblanadi. Avtomobil ichida oshxona va yotoqxonasi bo‘lgan to‘liq xonalar mavjud. Shayx Hamadning Dodge Power Wagoni dunyodagi eng noyob avtomobillardan biri hisoblanadi.

Mercedes-Benz G63 AMG 6×6

• Uzunligi: 5,87 metr
• Eni: 2,1 metr
• Balandligi: 2,3 metr

Mercedes-Benz G63 AMG 6×6 — hashamat va eng og‘ir sharoitlarga bardosh berish qobiliyatini birlashtirgan noyob yo‘ltanlamasdir. Oltita g‘ildirak va kuchli 5,5 litrli V8 dvigateli bilan jihozlangan avtomobil cho‘l qumlaridan tortib, tik qiyaliklardan yuqoriga ko‘tarila oladi. Ekstrim ishqibozlari uchun yaratilgan G63 AMG 6×6 qudrat ramziga, shuningdek, hashamatli va ekstremal mashinalarni qadrlovchilar orasida mashhur avtomobilga aylandi.

Ford Big Red

• Uzunligi: 17 metr
• Eni: 2,5 metr

Ford Big Red — 1960-yillarda yaratilgan eksperimental yuk mashinasi bo‘lib, u magistral yuk mashinalarining kelajagini taqdim etishi kerak edi. Ushbu noyob prototip aerodinamik kabinaga ega bo‘lib, gaz turbinali dvigatel bilan jihozlangan. Uzoq marshrutlarga mo‘ljallangan Ford Big Red nafaqat quvvat va unumdorlikni, balki haydovchi uchun yuqori darajadagi qulaylikni ham taklif qildi. Kabina yotoqxona, muzlatkich va hatto televizor bilan jihozlangan — bu o‘z davri uchun mislsiz hashamat edi.

Dunkel Industries Luxury 4×4

• Uzunligi: 9,75 metr
• Eni: 2,5 metr
• Balandligi: 3,5 metr

Dunkel Industries Luxury 4×4 — ekspeditsiya va avtonom yashash uchun mo‘ljallangan eng hashamatli va funksional yo‘ltanlamaslardan biri. Ford F-650 yuk mashinasi bazasida qurilgan bu avtomobil imkoniyatlar va qulaylikning noyob kombinatsiyasidir. Avtomobil oshxona, yotoqxona, vannaxona va mototsikl yoki kvadratsikllarni saqlash joyi bo‘lgan keng turar joy bilan jihozlangan.

Cadillac Escalade ESV

• Uzunligi: 5,76 metr
• Kengligi: 2,06 metr
• Balandligi: 1,94 metr

Cadillac Escalade ESV – bu hashamat va maqom bilan bog’liq bo’lgan premium SUV. Uning hajmi va uslubi uni muvaffaqiyat va moliyaviy farovonlik ramzi, shuningdek, yulduzlar va ishbilarmonlarning sevimli mashinasiga aylantiradi. Ichkarida ESV ajoyib qulaylik, yuqori sifatli materiallar va ilg’or texnologiyalarni taklif etadi. Ushbu Cadillacni qizil gilamlarda ham, yirik shaharlar yo’llarida ham ko’rish mumkin.

Ushbu model nafaqat kattaligi bilan, balki premium toifadagi mobil uy tushunchasini ham o‘zida mujassamlashtirishi mumkinligini isbotlaydi.