Ichkilik

Spirtli ichimlik juda oz miqdorda ba`zi hollardagina qabul qilinganda odam organizmiga yordam berishi mumkin. Ammo bu bilan spirtli ichimlik ichishni oqlamoqchi emasmiz. Spirtli maxsulotlar bilan juda ehtiyotlik bilan foydalangan ma`qul. Qadimda ota bobolarimiz uzum sharbatidan sharob tayyorlagan bo`lsalar, hozirda spirtli ichimliklarning turlarini sanab adog`iga etolmaysan kishi. Bilasizlarki, spirtli ichimliklarga inson organizmni juda tez ko`nikadi. Bir ikki ichib yurgan odam, keyinchalik ichkilikning quliga aylanib qolganini sezmay qoladi. Ichkilik ichganida esa odamning xotirlash qobiliyati susayadi. O`zini boshqara olmaydigan bo`lib qoladi.

Spirtli ichimlik shu paytgacha hech kimga foyda bermagan. Shunday bo`lsa ham, insoniyat spirtli ichimlik ichishdan to`xtagani yo`q. Ichkilik ichgan kishi kuchli emas, zaif bo`lib ichkilikning quliga aylanib qolishi haqida hali hech qanday ma`lumotga ega bo`lmagan bu yosh o`smirlar osongina ichkilik ichishga o`rganadi. Sizlarga bir narsani aytib o`tmoqchimiz. Spirtli ichimliklarga ayollar va bolalar juda tez o`rganib qoladilar. Shuning uchun ham ayollarimiz mehmonda, bayramlarda o`zlarini ichkilik ichishdan tiyishlari kerak. Ichkilik ichishga o`rgangan ota onaning farzandlari ham ichkilikka moyil bo`lib ulg`ayishadi. Kelajakda ular ham albatta ichadigan kishilar bo`lib ulg`ayishadi. O`z kelajagi haqida qayg`uradigan ota ona o`zlarini ichkilik ichishdan tiyishlari lozim. Yuqorida aytib o`tganimizday ichkilikning quli bo`lib qolgan kishi o`z obro`sini va hurmatini yo`qotadi. Ishidan ajraladi. Butun fikri zikri aroq topishda bo`lib qoladi. Bunday odam uchun esa kunning o`tishi muhim xolos. Avvalgi do`stlariga, ishiga ham qiziqishi yo`qoladi. Ishlashga bo`yni yor bermaydigan bo`lib qoladi. Bunday inson uchun dunyoda faqat bir narsa – aroq mavjud bo`lib qoladi holos. Oila, farzandlar, do`stu qarindoshlar va ish ham ularni qiziqtirmaydi.

Endi tasavvur qiling, shunday odam kimga kerak?  Hayotni barbod qilmaslik uchun, qiyin damlarda kishi o`zini qo`lga olib, aroqsiz ham muammolarni hal qilish mumkin. O`zingiz bir o`ylab ko`ring. Bu haqda qanday fikrdasiz?