Ilon Mask milliardlarini qanday ko‘ngilxushliklarga sarflaydi?

Uning nomi innovatsiyalar va yuksak maqsadlar bilan bog‘liq, texnologiyalar, kosmos tadqiqotlari va elektroavtomobillar sohasidagi ko‘plab kashfiyotlarga erishgan. Uning qiziqishlari quyosh energiyasi, sun’iy intellekt, yuqori tezlikdagi transport tizimlari va Marsni zabt etishga qaratilgan ulkan loyihalarni o‘z ichiga oladi. U dunyoning eng boy odami bo‘lib, boyligi 231 milliard dollarni tashkil etadi.

Ammo bu yutuqlar ortida juda noodatiy turmush tarzi yashiringan bo‘lib, Mask aqlbovar qilmas xarajatlar va hayratlanarli xaridlari bilan ham mashhur, buni oddiy hashamatga intilish deb tushuntirib bo‘lmaydi. Ilon Mask hech qachon kiyolmaydigan ot yungi va piton terisidan tikilgan tuflilar shunday xaridlardan biridir.

Ilon Maskning hashamatli hayotiga nazar solinsa, ko‘pchilik tasavvur qilolmaydigan eng qimmat brend buyumlarni ko‘rish mumkin. Ammo oddiy odam nazarida ular ko‘pincha juda xunuk, hattoki kiyib bo‘lmaydigan kiyimlar bo‘ladi. Masalan, Air Jordan Tesla tuflisi – poni terisi, qizil metall teri va piton terisidan tayyorlangan.

Agar Mask bu tuflini omma oldida kiyib chiqqanida, u olti oy qamoq jazosi olishi mumkin edi, chunki piton terisidan ishlangan mahsulotlar ko‘plab shtatlarda noqonuniy hisoblanadi va ularni kiyish javobgarlikka olib kelishi mumkin. Shuning uchun ham milliarder bu tuflilarni kolleksiyasida saqlaydi, xolos.

Kosmosda ham aniq vaqtni ko‘rsatadigan Shveysariya soatlari

Albatta, Ilon Mask dunyoning eng nufuzli brendlari tomonidan ishlab chiqarilgan qimmatbaho soatlarni taqishga qurbi yetadi, ammo uning kolleksiyasida bunday narsalar yo‘q. Bu uning arzon soatlardan foydalanishi yoki umuman soat taqmasligini anglatmaydi.

Uning barcha soatlari kosmos bilan bog‘liq. Ular orasida cheklangan seriyadagi Carrera 1887 SpaceX modeli ham bor. Bu model Shveysariya soatlarining kosmosda ham aniq vaqtni ko‘rsata olishining 50 yilligi munosabati bilan chiqarilgan va ba’zi astronavtlar orbitaga parvoz paytida ularni taqib olgan.

Ammo bunday soatlar 10 ming dollar turadi, shuning uchun Ilon Mask 50 ming dollarlik Audemars Baguette va hatto 200 ming dollarlik eksklyuziv Richard Mille soatlarini ham sotib olgan. Ishlab chiqaruvchilarining aytishicha, bu soatlar kelajakning soatlari bo‘lib, ular nafaqat kosmosda, balki boshqa sayyoralarda ham aniq vaqtni ko‘rsatadi.

Ilon Maskka 1920-yilda ishlab chiqarilgan benzinli avtomobil nima uchun kerak?

Ilon Maskning garajida hashamatli avtomobillar to‘plami mavjud. Ularning ichida eng qimmatlaridan biri — McLaren F1 bo‘lib, u bir million dollarga sotib olingan. Bu mashhur superkar rekord darajadagi tezligi bilan mashinasozlikning cho‘qqisi hisoblanadi.

Ilon Maskning eng mashhur mashinasi esa uning kompaniyasi yaratgan 100 ming dollarlik Tesla Roadster bo‘lib, u uni raketaga qo‘yib kosmosga uchirgan. Mask bu voqeani jonli efirda namoyish qilgan, hozirda esa bu mashinaning kosmosdagi joylashuvini kuzatib borish mumkin.

Ammo Maskning eng sevimli mashinasi – bu 1920-yilda ishlab chiqarilgan benzinli Ford Model T bo‘lib, narxi taxminan 25 ming dollar. Nega Maskka bunday mashina kerak? 17 yoshida cho‘ntagida hech vaqosi bo‘lmagan paytda, u shunday mashinani orzu qilgandi. Nihoyat dunyoning eng boy odamiga aylanganida, bu orzusi amalga oshdi.

Bir million dollarlik suvosti mashinasi

Tesla va SpaceX rahbari Ilon Maskning noodatiy avtomobillarga qiziqishi ajablanarli emas. 2013-yilda u Jeyms Bond haqidagi filmda ishlatilgan Lotus Esprit avtomobili — suvosti kemasini sotib oldi. Mask bu faqat kinokompaniya tomonidan ishlatilgan ishlamayotgan rekvizit ekanini bilgan bo‘lsa-da, uni kimoshdi savdosida 920 ming dollarga xarid qilgan.

OAV ma’lumotlariga ko‘ra, Mask Tesla texnologiyalari yordamida uni haqiqiy suvosti kemasiga aylantirishga va’da bergan. Biroq u bu o‘yinchoq suvosti mashinasi garajida joy egallashidan boshqa nimaga kerakligini ochiqlamagan.

1,5 million dollarlik sovg‘alar

Ilon Mask sevgan ayollaridan pul ayamaydi. Birinchi rafiqasiga — u bilan kollejda tanishgan 50 ming dollarlik yashil zumraddan ishlangan oltin marjon sovg‘a qilgan. Ular ajrashganida, Mask sovg‘adan ko‘ra, munosabatlarining tugashidan afsuslangan.

Ikkinchi rafiqasi bilan ikki yil birga yashagan, unga ham 1,5 million dollarlik sovg‘alar olgan. Mask unga dastlab 100 ming dollarlik uzuk bergan, lekin keyinchalik uning hazilomuz shikoyatlaridan so‘ng, kunlik foydalanish uchun 300 ming dollarlik va maxsus tadbirlar uchun bir million dollarlik uzuk sovg‘a qilgan. 

Ilon Mask 12 farzandi uchun yiliga bir necha yuz million dollar sarflaydi

Ilon Maskning 12 farzandi sobiq uch rafiqasidan bo‘lib, u bu bilan to‘xtamoqchi emasligini aytgan. U tug‘ilish darajasining pastlashi global inqirozga sabab bo‘lishi mumkin deb hisoblaydi. Katta farzandlari 20 yoshga yetgan, qolganlari esa xususiy maktabga boradi va ta’tilga otasining shaxsiy samolyotida sayohat qiladi.

Mask voyaga yetmagan farzandlarini to‘liq ta’minlaydi va yiliga bir necha yuz million dollar sarflaydi, ammo kompaniya aksiyalarini meros sifatida berishga qarshi. U liderlikni shunchaki aksiyalarni qiziqishi bo‘lmagan merosxo‘rlarga emas, balki iste’dodli odamlarga topshirish kerak deb hisoblaydi.

Ilon Mask nega Twitterni sotib olib, milliardlab zarar ko‘rdi?

Ilon Maskning eng katta xaridi muvaffaqiyatsiz qarorlaridan biri bo‘ldi. Ko‘pchilik hayron qoldi, chunki 2022-yil oktabrida u Twitter platformasini 44 milliard dollarga sotib oldi, bu platforma yillar davomida milliardlab zarar ko‘rgan edi.

Oddiy odamlar internet-resurs yoqmasa, uni tark etishadi, ammo Mask muammoni boshqacha hal qilishga qaror qildi. Twitter’ni sotib olganidan so‘ng u nomini X deb o‘zgartirdi, lekin uning qiymati 72% ga tushib ketdi. Natijada Mask va uning sarmoyadorlari katta zarar ko‘rdi. Hozirda X’ning qiymati atigi 9,38 milliard dollarga teng, lekin Mask uni qayta jonlantirishi mumkin.

Beverli-Hillzdagi hashamatli uylari bo‘lgan butun boshli mavze

2012-yilda Ilon Mask Kaliforniyaning Bel-Eyr hududida 17 million dollarga 20 ming kvadrat futli hashamatli uy sotib olgan. Uyning ichida ikki qavatli kutubxona, kabinet, vino ombori, tennis korti, basseyn, yettita yotoqxona va 10 ta hammom bo‘lgan.

Keyin Mask qiziquvchan qo‘shnilar bilan yashash yoqimli emas deb, atrofdagi beshta qo‘shni mulkni ham sotib olib, umumiy qiymati 80 million dollardan ortiq bo‘lgan butun bir hashamatli hududga ega bo‘ldi.

Biroq sakkiz yildan so‘ng u “umuman uyga ega bo‘lmaslik katta afzallik” deb e’lon qilib, barcha mulklarini sotdi va Janubiy Texasda atigi 50 ming dollarlik kichik uychaga ko‘chib o‘tdi.

Ilon Maskning boyligining katta qismini sarflashni rejalashtirayotgan eng yirik loyihasi

Anchadan beri Ilon Mask Marsni kolonizatsiya qilish bo‘yicha fantastik loyihani o‘ylab kelmoqda, uning SpaceX kompaniyasi aynan shu maqsadda tashkil etilgan. Milliarder odamlar uchun Yer hayotga yaroqsiz bo‘lib qolsa, amaliy rejalar kerak deb hisoblaydi va o‘z umrida birinchi martalik ko‘chib o‘tishni amalga oshirish umidida.

2021-yilda ushbu qarorni qabul qilgach, Mask barcha ko‘chmas mulklarini sotdi va bu narsalardan aniq foyda ko‘rmasligini aytdi. U Marsda shahar qurish katta kapitalni talab qilishini ta’kidladi va iloji boricha ko‘proq hissa qo‘shishni xohlagan, kelajakda esa ortiqcha moddiy xarajatlardan saqlanishga va’da berdi.