Instagram asoschilari yangi ijtimoiy tarmoq bilan qaytishmoqda

Kevin Sistrom va Mayk Krieger (Instagram asoschilari) “ijtimoiy tarmoqlarning kelajagi”ni o’ylab, sun’iy intellekt yordamida algoritmli kontent tavsiya qiluvchi yangi ijtimoiy tarmoq bilan internet bozoriga qaytishdi.

2018-yilda o‘zlarining bosh kompaniyalari bilan kelishmovchiliklar fonida Facebookni tark etgan Instagram hammuassislari yangi avlod ijtimoiy tarmoqlari g‘oyalarini o‘rganish uchun yangi korxona tashkil qilishdi. Ularning birinchi mahsuloti Artifact bo‘lib, sizning qiziqishlaringizni tushunish uchun mashinani o‘rganishdan foydalanadi, qiziqishlaringizga moslashtirilgan yangiliklar tasmasida maqolalarni do‘stlaringiz bilan muhokama qilishingizga imkon beradi.

Artifakt – bu maqolalar, faktlar va sun’iy intellektning birlashuvidir. Ilova bugungi kunda jamoatchilikka kutish ro’yxatini ochgan. Kompaniya foydalanuvchilarga tezda kirish ruxsatini berishni rejalashtirmoqda, deydi Sistrom. Ushbu havola orqali o’zingizni ro’yxatga qo’shishingiz mumkin. Mobil ilova Android va iOS uchun mavjud.

Artifaktni tushunishning eng oddiy usuli – bu matn uchun TikTokning bir turi, siz uni Google Reader mobil ilovasiga o’xshash yoki Twitterga kutilmagan raqobat deb ham atashingiz mumkin. Ilova nashriyotlarning saralangan roʻyxatidan tanlab olingan mashhur maqolalar tasmasi uchun ochiladi, jumladan, The New York Times kabi yetakchi axborot tashkilotlaridan tortib, oʻziga xos mavzular haqidagi kichik hajmdagi axborot ulashuvchi bloglargacha. Sizni qiziqtirgan maqolalar ustiga bosasiz va TikTok “Siz uchun” sahifasidagi videolarni tomosha qilish algoritmini vaqt o‘tishi bilan sozlaganidek, Artifakt ham kelajakda sizga yoqadigan post va hikoyalarni taqdim etadi.

“Har safar biz iste’molchilar tajribasini yaxshilash uchun mashinani o’rganishdan foydalanganimizda, ishlar juda tez ildamlanardi”.

Bugun kutish roʻyxatidan o’tgan foydalanuvchilar faqat oʻsha markaziy reyting tasmasini koʻrishadi. Ammo Artifakt beta foydalanuvchilari hozirda ilovaning asosiy ustunligiga aylanishi kutilayotgan yana ikkita xususiyatni sinovdan o’tkazishmoqda. Ulardan biri siz kuzatishni tanlagan foydalanuvchilar tomonidan joylashtirilgan maqolalar ham-da ularning ushbu postlarga sharhlari aks ettirilgan tasmadir(hozircha havolasiz oddiy matnni joylashtirish imkonsiz.) Ikkinchisi to’g’ridan-to’g’ri xabarlar qutisi bo’lib, siz o’qiydigan xabarlaringizni do’stlaringiz bilan alohida muhokama qilishingiz mumkin bo’ladi.

TikTok muvaffaqiyatidan ilhomlanib, yirik ijtimoiy platformalar so’nggi yillar davomida qisqa videolar va ular bilan birga keladigan reklama daromadlari ketidan katta sarmoya sarfladilar.

2000-yillarning oxiridagi vebsaytlar kabi, Artifakt o’z diqqatini matnga qaratgan. Ammo ta’sischilar o’n yillikdan ortiq o’rganilgan saboqlar va sun’iy intellektdagi so’nggi yutuqlar ularning ilovalari kengroq auditoriyaga kirishiga yordam beradi, deb umid qilmoqda.

“Yillar davomida men ko’rgan narsam shuni ko’rsatdiki, biz har safar iste’molchi tajribasini yaxshilash uchun mashinani o’rganishdan foydalanganimizda, ishlar juda tez yaxshi bo’ldi”, deydi Sistrom.

TikTok kiritgan yangilik do’stlaringiz kimligi yoki kimni kuzatishingizdan qat’i nazar, sizga faqat algoritmik tahlillardan foydalangan holda videolarni tavsiya etish edi. Qisqa muddatda u dunyodagi eng ko’p yuklab olingan ilovaga aylandi. Artifakt ham huddi shunday yo’lni tutadi, biroq video emas, matn uchun.

Artifact o’quvchilarga yuqori sifatli yangiliklar va ma’lumotlar bilan xizmat ko’rsatish ishiga jiddiy yondashadi

Ushbu bosqichdagi ko’pgina startaplar singari, Artifakt hali ham biznes modeliga kirishmagan. Reklama aniq foyda beradi, deydi Sistrom. U shuningdek, nashrlar bilan daromad taqsimoti haqida bosh qotirmoqda. Agar Artifakt muvaffaqiyatli bo’lsa, u o’quvchilarga yangi nashrlarni topishga yordam beradi va ularni obuna bo’lishga undaydi.

Sistrom Artifakt o’quvchilarga yuqori sifatli yangiliklar va ma’lumotlar bilan xizmat ko’rsatish ishiga jiddiy yondashishini aytdi. Bu faqat tahririyat sifati standartlariga amal qiladigan nashrlarni kiritishga intilishdir, deydi u. Hozircha kompaniya o’z tizimidagi noshirlarni oshkor qilmaydi.

Artifakt yolg’onni targ’ib qiluvchi alohida postlarni ham o’chirib tashlaydi, deydi u. Va uning mashina o’rganish tizimlari, birinchi navbatda, turli mavzularda o’qishga qancha vaqt sarflaganingizni o’lchash uchun optimallashtiriladi. Eng ko’p bosish va sharhlarni keltirib chiqaradigan maqoladan farqli o’laroq, yanada chuqurroq qiziqarli material egalarini mukofotlaydigan tarmoqqa aylanadi.

“Biz yasashni yaxshi ko’ramiz.”

Sistrom va Krieger Artifaktni o’zlari moliyalashtirmoqda, ammo ular tez orada investorlarga o’z eshiklarini ochishadi. Hozirda yetti kishidan iborat jamoa dastur ustida ishlamoqda, jumladan, 2016-yildan 2021-yilgacha Instagramning yuqori darajadagi mahsulot boshqaruvchisi sifatida faoliyat yuritgan Robbi Steyn.

Instagramni Facebookka 715 million dollarga sotgan Sistrom va Kriegerning ish qidirishga zarurati yo’q edi. Xo’sh, bu safar ularni nima undadi?

“Biz yasashni juda yaxshi ko’ramiz”, deydi Sistrom. “Dunyoda kod yozish va odamlarga yoqadigan mahsulotlarni yaratishdan ko’ra vaqtimizni sarflashni afzal ko’radigan boshqa ishimiz yo’q. Men buni shunchaki yaxshi ko’raman.”

“Sun’iy intellekt sohasidagi yutuqlar ham ularni o’ziga mahliyo qildi”, deydi Sistrom.