Shtab kvartirasi Seulda joylashgan Osiyo jurnalistlari assotsiatsiyasi (OJA) O’zbekiston Respublikasi Prezidenti Shavkat Mirziyoyevni “2018 yil odami” deb e’lon qildi.
Mamlakatimiz rahbari siyosiy yo’nalish bo’yicha g’olib, deb e’tirof etildi. Assotsiatsiya vakillari ta’kidlaganidek, Shavkat Mirziyoyev 2016-yil dekabrda O’zbekiston Respublikasi Prezidenti lavozimiga kirishganidan to hozirgi vaqtgacha inson huquqlarini ta’minlash, iqtisodiy islohotlarni amalga oshirish, ochiq siyosat yuritish, shu jumladan, siyosiy mahbuslarni ozod etishda yuksak natija ko’rsatib kelmoqda.
Ma’lumotlarga ko’ra, O’zbekiston rahbari qo’shni davlatlar bilan faol hamkorlik aloqalarini o’rnatgan holda, Markaziy Osiyoda tinchlik-totuvlikni asrashga katta hissa qo’shmoqda.