Vaqt etmayapti!!!

Hayotimizda shunday insonlar borki, ular har doyim “Menga vaqt etmayapti”, “Vaqt etmayotganligi sababli, uydagi remontni tugataolmayapman”, “Uydagilarga vaqt ajrataolmayapman”  deb nolishlarini ko`p eshitamiz. Bu ro`yxatni yanada davom ettirish mumkin.

Ammo har birimiz uchun bir sutka ko`p emas, kam emas roppa – rosa 24 soatdan iborat. Lekin nimaga bazi bir insonlar butun kun maboynida juda ko`p va foydali ishlar qilishga ulgurishadi-yu, bazilari esa umuman hech narsa qilishga ulgurishmaydi. Hatto bazi vaqtlarda o`zlarimiz ham shu kabi vaziyatlarga tushib qolamiz. Bunga sabablar bir qancha topiladi. Keling hozir biz bu sabablarning bir qanchasini ko`rib o`tamiz:

Birinchi va tez – tez uchraydigan sabablardan bittasi –  bu bir ishni oxiriga etkazmasdan boshqa bir ishga o`tish. Yani birinchi ishni oxiriga etkazmasdan boshqa bir ishni boshlash, natijada bir qancha tugallanmagan ishlar yig`ilib qoladi. Keyinchalik qaysi bir ishni qilishni bilmasdan boshimiz qotib qoladi. Shuning uchun oldin bir ishni tugatib, keyin boshqasiga o`tish lozim.

Hamma ishni o`zimiz bajarishimiz. Albatta aytishingiz mumkin, agar inson o`zi shu ishni bajarishni uddalay olsa o`zi qilgani ma`qul deb. Lekin bazan bu bizning boshqalarga ishonmasligimizdan ham kelib chiqishi mumkin. Yani boshqa inson shu ishni mendek qilaolmaydi deb fikr yuritishning oqibatidan ham kelib chiqadi. O`ylab ko`ring shu ishni boshqa bir insonga topshirib qancha vaqtni tejash mumkin. Bu erda gap nafaqat vaqt xaqida, balki boshqa bir insonga ham shu ishni qilishga imkoniyat berishimizda va u kishi shu ishni qilishni o`rganishida.

Murojatlarga yo`q deb javob berishni bilmaslik. Dunyoda surbet insonlar juda ko`p. Agar ishingizdagi hamkasblaringiz har doyim Sizdan yordam so`rab, lekin Siz ularga murojat qilganingizda har qanday baxonalar topadigan bo`lishsa, qattiyan yo`q deb javob berishni o`rganing. Sizga ortiqcha ishning nima keragi bor, undan qolsa bu ishga xaq to`lashmasa. Undan ko`ra siz bu vaqtni oilangiz bilan o`tkazganingiz ma`qul emasmi.

Vaqt o`tishi bilan har birimizda juda ko`p ishlar yig`ilib qoladi. Qachonki biz esimizdan ko`tarilgan ish esimizga tushsa, shu zaxoti muhum bo`lgan ishni qoldirib, darxol shu ishni bajarishga tushamiz. Shunday paytlarda erinchoqlik qilmasdan, qilishimiz zarur bo`lgan ishlarning ro`yxatini qilib chiqishimiz kerak. Shundan keyin vaqtimizni rejalashtirib birin ketin ro`yxat bo`yicha bu shilarni bajarishga tushish zarur.

Ko`pchilik insonlar “Ishlarni qilishga ulgurmayapman” deb aytishadi. Lekin bunga har kimning o`ziga yarasha sababi bor. Shuning uchun, siz o`zingizningdagi sababni topishga harakat qiling.