NASA koinot haqidagi bepul onlayn kinoteatrni ishga tushirdi

O’nlab teleseriallar, jonli efirlar va tasalli beruvchi musiqiy videolar.

NASA iyul oyida e’lon qilingan NASA+ onlayn kinoteatrini ishga tushirdi. Bu koinot haqidagi seriallar va filmlar mavjud striming xizmati. Shuningdek, u yerda agentlik missiyalarining jonli ko‘rsatuvlari o‘tkaziladi.

Saytdagi barcha kontent bepul va reklamasiz. Butun oila tomosha qilishi uchun to’g’ri keladi. Xizmat hozirda 24 ta teleseriallar, bolalar uchun o’quv videolari va meditatsion musiqa videolarni taklif etadi.

Hozircha NASA+ faqat veb-sayt sifatida mavjud, ammo kelajakda Android, iOS va Apple TV, Roku va Fire TV pristavkalari uchun ilovalar chiqishi kerak.

O‘zbekistondan ko‘rishlar bloklanmaydi, lekin saytdagi barcha kontent ingliz tilida. Agar siz tilni yetarlicha bilmasangiz, brauzer tarjimonidan foydalanishingiz mumkin.