Xitoyda 2026-yil — ot yiliga atab omad va quvonch ramzi sifatida ishlab chiqarilgan yumshoq o‘yinchoq kutilmaganda internetda mashhur bo‘lib ketdi. Bunga sabab zavoddagi ishlab chiqarish jarayonidagi xatolik bo‘ldi: o‘yinchoqlardan biri kulib turgan yuz o‘rniga g‘amgin va mungli ifodaga ega edi. Ma’lum bo‘lishicha, otning og‘zi fabrikada tasodifan teskari qilib tikib qo‘yilgan.
Hikoya Xanchjou shahrida yashovchi xaridorning ushbu o‘yinchog‘ni sotib olib, uni almashtirish uchun qo‘llab-quvvatlash xizmatiga murojaat qilganidan so‘ng boshlandi. Xaridor o‘yinchoqning qayg‘uli yuz ifodasi tushirilgan suratlarni ijtimoiy tarmoqlarda joylashtirdi. Suratlar tez orada foydalanuvchilar orasida katta qiziqish uyg‘otdi. Oradan ko‘p o‘tmay, aynan shunday o‘yinchoqqa bo‘lgan talab keskin oshdi. Natijada Xitoyning Sina Weibo platformasida #YiwuCryCryHorseGoneViral heshtegi bir kun ichida qariyb 100 million marta ko‘rildi.
O‘yinchoqning qayg‘uli yuzi va o‘jar nigohi ko‘plab odamlar uchun tanish tuyuldi. Ijtimoiy tarmoqlarda foydalanuvchilar uni tashqi tomondan tinch, lekin ichida doimiy bosim va charchoqni his qiladigan 21-asr insoniga o‘xshatdi. Bu tasvir Xitoyda mashhur “ishchi ot” iborasi bilan ham bog‘liq: u ko‘pincha tinimsiz ishlaydigan va ortiqcha mehnatdan charchagan odamlarni ifodalash uchun qo‘llanadi.
Xitoy Xalq universitetining ijtimoiy media kommunikatsiyalari bo‘yicha professori Van Bin bu holatni insonlarda to‘planib qolgan charchoq va kelajakka bo‘lgan ishonchning sustligining psixologik ifodasi sifatida baholadi:
Iu shahridagi fabrika fursatdan foydalanib, tezkorlik bilan yangi partiyadagi o‘yinchoqlarni ishlab chiqarishga kirishdi, hatto ishlab chiqarish liniyalari soni ikkitadan 10 taga oshirildi. Ishchilarga esa qayg‘uli yuz ifodasini bir xil tarzda tikish talabi qo‘yildi.
Birinchi tasodifiy xatoga kim sababchi bo‘lgani aniqlanmagan, biroq kompaniya barcha ishlab chiqarish jamoasiga bonus to‘lashga va’da berdi. Talab keskin oshganiga qaramay, ishlab chiqaruvchi narxni oshirmaslikka qaror qildi. O‘yinchoq hozir ham 25 yuan, ya’ni taxminan 2,5 dollar narxda sotilmoqda.
Bu o‘yinchoqni ko‘rib kuldim ham achindim ham chunki hozirgi odamlarning ichki holatini juda yaxshi ifodalayapti
Tasodifiy xatolik qanday qilib butun dunyoga mos obraz yaratib berdi juda qiziq holat
Eng yoqqani ishlab chiqaruvchi narxni oshirmagani bu kamdan kam uchraydi
Oddiy o‘yinchoq odamlarning charchog‘i va ichki holatini aks ettirib mashhur bo‘lib ketgani juda ramziy bo‘ldi
Menga oxshar ekan
Bu otcha aynan mening dushanba kungi kayfiyatim juda mos tushibdi
Xatolik bo‘lsa ham eng samimiy o‘yinchoq chiqibdi
Endi kulayotgan o‘yinchoqlar zerikarli bo‘lib qoladiganga o‘xshaydi
Qandaydir yurakka tegadigan ifodasi bor ekan shunaqa mehr berib quchoqlagim keldi
Ba’zan jimgina g‘amgin bo‘lish ham chiroyli bo‘larkan
Shu o‘yinchoqni ko‘rib hayotimdagi stresslarim esimga tushdi
Internet hamma narsani mashhur qilib yuboradi endi oddiy xatolik ham trend
Lekin baribir marketing yurishi zo‘r ishlagan
Tan olay bu o‘yinchoq boshqalardan ko‘ra ko‘proq real
Bu otcha butun bir avlod kayfiyatining ramzi bo‘lib qolayapti
Xatolik san’atga aylanganiga yana bir misol
Ba’zan mukammal bo‘lmagan narsalar eng chiroyli bo‘ladi
Shu o‘yinchoqni ko‘rsam ham kulgim keladi ham o‘zimni ko‘rgandek bo‘laman
Stressli yoshlar uchun ideal maskot bo‘lsa kerak
Endi hammamizga shunaqa mungli o‘yinchoq kerak
Qandaydir yurakni siqib yuboradigan yoqimli holati bor ekan
Bu otcha meni ichimdagi charchoq bilan yuzlashtirdi
Shunaqa o‘yinchoqlar odamni tushunib turgandek bo‘ladi
Yuzlari shirin ekan
Galati bular
Bizda ham sotilarmikan?
Yoqmadi menga
Ajoyib
Kulgili