Angliya Prem`er-ligasi 22-turidan o`rin olgan “Chelsi”-“Manchester Yunayted” bahsida maydon egalari g`alaba qozonishdi. Uchrashuv 19 yanvar`, yakshanba kuni Londondagi “Stemford Bridj” stadionida bo`lib o`tdi. O`yinda 3:1 hisobi qayd etildi. “Chelsi” ning barcha gollariga kamerunlik hujumchi Samuel` Eto’O mualliflik qilib, dubl` va xet-trikga erishdi.
Birinchi bo`limni “Manchester Yunayted” juda yuqori saviyada boshlashdi, ketma-ket hujumlar, zarbalar, burchak to`plari, biroq bu hujumlarni golga aylantira oladigan futbolchi topilmadi. “Chelsi” bo`lsa qarshi hujumga asoslangan o`yin olib bordi va 17 daqiqada shunday hujumlarning biri gol bilan yakunlandi. Eto′O raqib jarima maydoni tomon yurish qildi va yo`lida Jonsni aldab, darvoza tomon zarba berdi, 1:0.
Bo`limning so`nggi 45 daqiqasida qanotdan Oskarning uzatmasidan kamerunlik futbolchi Eto′O unumli foydalandi, 2:0. Shu tariqa jamoalar tanaffusga yo`l olishdi.
Ikkinchi bo`limda o`yinga qaytishni niyat qilib maydonga tushgan “Manchester Yunayted” qattiq “zarba” qabul qilib olishdi. 49 daqiqada yana Eto′O burchak to`pidan so`ng o`ziga kelib tushgan to`pni ochiq darvozaga yo`lladi, 3:0.
78 daqiqada “MYu” hisobdagi farqni bittaga qisqardirdi. Chicharito Jonsning uzatmasidan so`ng maydon egalari darvozasini ishg`ol qildi. O`yin yakuniga etishi arafasida mehmonlar himoyachisi Neman`ya Vidich maydondan chetlatildi.
Ushbu uchrashuvdan so`ng, «Chelsi» Angliya chempionati musobaqa jadvalida 49 ochko bilan 3-o`rinni egallab turibdi. 7-o`rindagi «Manchester Yunayted» hisobida esa 37 ochko bor.
Jose Mourino Chelsea da xam katta ish qilyapti, yuqori darajaga kutardi ularni
Eto’O ni omadi bor ekan