“Bayer” tarixida birinchi marta Germaniya Chempioni bo’ldi

Futbol bo‘yicha Bundesliganing 29-turi doirasida “Bayer” 14-aprel, yakshanba kuni “Verder”ga qarshi bahs olib bordi.

Uchrashuvning 25-daqiqasida Viktor Bonifase penaltidan unumli foydalanib, hisobni ochdi. Birinchi bo‘lim leverkuzenliklarning kichik hisobdagi ustunligida yakunlandi.

Ikkinchi bo‘limda ham “Bayer” faollik ko‘rsatib, hisobni ishonchli ko‘rinishga olib keldi. Bu safar gol muallifi — Granit Jaka. 68-daqiqada esa Virts jamoasining yirik hisobda oldinga chiqib olishiga yordamlashdi.

O‘yin tugashiga sanoqli daqiqalar qolganida Virts yana ikki marta gol urdi va yakunda Xabi Alonso shogirdlari 5:0 hisobida g‘alaba qozondi.

Shu tariqa “Bayer” ochkolari sonini 79 taga yetkazdi va o‘z tarixida ilk bor Germaniya chempioniga aylandi. Undan keyingi o‘rinda borayotgan “Bavariya” (63 ochko) hech qanaqisiga yetib ololmaydi. 

Bundesliga

29-tur

14-aprel, yakshanba

“Bayer” – “Verder” 5:0

Gollar: 1:0 – 25 Bonifase (penalti), 2:0 – 60 Jaka, 3:0 – 68 Virts, 4:0 — 83 Virts, 5:0 — 90 Virts.

“Bayer”: Gradeski, Ta, Tapsoba, Kossunu, Inkapie (Grimaldo, 77), Tella (Frimpong, 62), Jaka (Palasios, 77), Hofmann, Andrix, Adli (Virts, 46), Bonifase (Shik, 62).

“Verder”: Setterer, Vayzer, Velkovich, Malatini, Gross, Agu (Deman, 69), Bitenkur (Hansen-Oroen, 77), Linen, Shmid, Duksh, Voltemade (Kovnaski, 69).

Ogohlantirishlar: Adli (31), Bitenkur (47), Inkapie (47).