«Bunyodkor» klubi 2012 yilgi Osiyo Chempionlar ligasi yarim final dastlabki o`yinida Janubiy Koreyaning «Ul`san X`yunday» klubiga imkoniyatni boy berdi.
24 oktyabr` kuni Toshkentdagi «Jar» stadionida o`tkazilgan o`yinda amaldagi O`zbekiston chempioni 1:3 hisobida imkoniyatni boy berdi.
Uchrashuvda hisob 5-daqiqada «Bunyodkor» futbolchilari tomonidan ochildi. Jarima maydonchasi markaziga etkazib berilgan pasdan so`ng yarim himoyachi Javlon Ibrohimov «Ul`san X`yunday» darvozasini ishg`ol qilishga muvaffaq bo`ldi. Biroq, janubiy koreyalik futbolchilar o`yin davomida iroda ko`rsatib, g`alaba qozonishga muvaffaq bo`lishdi.
30-daqiqada Rafin`ya hisobni tenglashtirgan bo`lsa, 52-daqiqada Kim Shin Vuk «Ul`san»ni hisobda oldinga olib chiqdi. 72-daqiqada Li Kun Xo hisobdagi farqni ikkitaga oshirdi. 3:1 hisobi o`yin oxirigacha saqlanib qoldi.
Javob uchrashuvi 31 oktyabr` kuni Janubiy Koreyada bo`lib o`tadi. Agar ikki o`yin natijasiga ko`ra «Bunyodkor» musobaqaning final o`yini yo`llanmasini qo`lga kirita olsa, 2012 yilgi Osiyo Chempionlar ligasi final uchrashuvini 10 noyabr` kuni Toshkentdagi «Paxtakor» stadioni qabul qiladi. Buning uchun «Bunyodkor» safarda o`tkaziladigan javob o`yinida kamida uchta to`p farqi bilan g`alaba qozonishi kerak.
javob uchrashuvdan umid yoq lekin, kamida teng xisob bilan uynashlari mumkin buladi
энди хаммаси жамоамизга боглик