Muhammad Saloh “Liverpul”da o‘ziga xos natijaga erishdi

Futbol bo‘yicha Yevropa Ligasining 1/8 final javob o‘yinlari 14-mart, payshanba kuni bo‘lib o‘tdi. Unda “Liverpul” “Sparta” jamoasini qabul qildi. 

O‘yin Liverpul shahrida joylashgan “Enfild” stadionida bo‘lib o‘tdi. Ushbu uchrashuvda mezbonlar yirik 6:1 hisobida g‘alaba qozondi. “Liverpul” hujumchisi Muhammad Saloh uchrashuvda o‘z nomini tabloga yozdirib qo‘ydi.

Jurnalist Fabritsio Romanoning ta’kidlashicha, misrlik hujumchi yetti mavsumdan beri har mavsumda 20 dan ortiq gol urib kelmoqda. U ingliz klubi tarixidagi bunday seriyali birinchi futbolchiga aylandi.

Ushbu mavsumda Saloh “Liverpul”da barcha turnirlarni qo‘shib hisoblaganda 31 o‘yinda maydonga tushib, 20 gol va 13 assist qayd etishga muvaffaq bo‘ldi.

Transfermarkt misrlik futbolchini 65 million yevroga baholagan.