OK-2015, saralashi: O`zbekiston safarda V`etnamni mag`lub etdi

OK-2015, saralashi: O`zbekiston safarda V`etnamni mag`lub etdi

15 noyabr`, juma kuni V`etnam poytaxti Xanoyda V`etnam va O`zbekiston terma jamoalari OK-2015 saralash 4-tur o`yinida o`zaro maydonga tushishdi. Qiziqarli kechgan o`yinda Mirjalol Qosimov boshchiligidagi O`zbekiston milliy terma jamoasi 3:0 hisobida g`alaba qozondi.

O`yinning dastlabki daqiqalarida V`etnam terma jamoasi a`zolari ancha faol harakat qilgan bo`lsalarda, Qosimov shogirdlari tez orada tashabbusni o`z qo`llariga ola bilishdi. Ketma-ket hujumlar faqat 41-daqiqaga kelib o`z samarasini berdi. Terma jamoada debyut o`yinini o`tkazayotgan Vohid Shodiev raqib darvozabonining xatosidan unumli foydalandi va hisobni ochdi – 0:1. Birinchi bo`lim esa, shu tariqa O`zbekistonning minimal hisobdagi g`alabasi bilan yakunlandi.

Ikkinchi bo`limning ilk daqiqasida Igor` Sergeev raqib darvozasini ishg`ol etib hisobni 2:0 ko`rinishiga olib keldi. Ikkinchi bo`lim boshida maydonga tushirilgan Sardor Rashidov esa butun bo`lim davomida ancha faol harakat qildi va bir nechta havfli vaziyatlarni yaratdi. Aynan Bunyodkor klubi yarim himoyachisi 90-daqiqada o`yinga yakuniy nuqtani qo`ydi – 3:0.

Shu tariqa, safarda V`etnamni mag`lubiyatga uchratgan O`zbekiston milliy terma jamoasi «E» guruhida o`z hisobidagi ochkolari sonini 7taga etkazib oldi. Mirjalol Qosimov shogirdlari o`zining navbatdagi uchrashuvini 19 noyabr` kuni safarda Gongkong terma jamoasiga qarshi o`tkazadi.

Manba: www.anons.uz

Kommentlar: 3 komment. 3 ta kommentdan so'nggi 10 tasini ko'ryapsiz
  1. Doni

    Shu har doim yahshi boshlashadi, ohirigi keganda esa……

  2. Javoh

    19 noyabrda ham kamandamizga omad tilayman

  3. Ilyos

    xa ertaga terma jamoamizning uyini, omad sizlarga yigitlar!

Komment qoldirish

Email manzilingiz chop etilmaydi. Majburiy bandlar * bilan belgilangan

Nima qidiramiz? Masalan,Inson

Social