O`zbekiston Xitoy ustidan g`alaba qozondi

JCh-2014 saralashi 9-tur uchrashuviga tayyorgarlik ko`rayotgan O`zbekiston milliy terma jamoasi 6 iyun` kuni Xitoy terma jamoasiga qarshi o`rtoqlik uchrashuvida maydonga tushdi.

Birinchi bo`limningning 31-daqiqasida maydon egalari vakili Vang Yon Do hisob, Xitoyliklarni oldinga olibchiqdi. 1:0. Ushbu goldan keyin Qosimov shogirllari o`yindagi ustunlikni biroz bo`lsa-da qo`llariga oldilar va 44-daqiqada hisobni tenglashtirishning uddasidan chiqishdi. Bu vaziyatda, milliy terma jamoa hujumchisi Ulug`bek Baqeov chamasi 25 metrlardan kuchli zarba yo`llab xitoyliklar darvozabonini ortda qoldirdi va birinchi bo`lim 1:1 hisobi bilan yakuniga etdi.

Ikkinchi bo`limni O`zbekiston termasi yana faollik bilan boshladi. Raqib jarima maydoni oldida xavfli hujumlarni yuzaga keltirgan hamyurtlarimiz xitoyliklarni ancha shoshirib qo`yishdi. Ana shunday vaziyatlardan birida Shohrux Gadoev yaqin masofadan darvozani ishg`ol qila olmadi. Uning kuchli zarbasi noaniq ketdi. Shu kuni ko`k libosda harakatlangan futbolchilarimiz baribir yana bir gol kiritishni uddalashdi. 54-daqiqada chap qanotdan jarima maydonchasi ichiga yorib kirgan Server Jeparov shoshmasdan aniq zarba bilan O`zbekistonni oldinga olib chiqdi, 1:2.

Uchrashuvda har ikkala terma jamoa vakillari qator o`zgarishlarni amalga oshirishdi. Jumladan, O`zbekiston tarkibida maydonga Farhod Tojiev, Aleksandr Geynrix, Fozil Musaev, Oleg Zoteevlar tushirildi. Lekin shu kuni darvozalarga boshqa to`p kiritilmadi.

Shunday qilib terma jamoamiz muhim uchrashuv oldidan chiroyli o`yin namoyish etib g`alaba qozondi. Endi vakillarimiz Koreya poytaxti Seulga uchib ketishadi. 11 iyun` kuni JCh saralash doirasida J.Koreya va O`zbekiston termalari hal qiluvchi o`yinda ishtirok etishadi. Agar shu kuni O`zbekiston g`alaba qozonsa, JCh yo`llanmasini muddatidan oldin qo`lga kiritadi.