C guruhida Yevropa chempionatining, D guruhida jahon chempionatining amaldagi finalchilari favorit.
Yevro-2024 o‘yinlar qayerlarda bo‘lib o‘tadi va asosiy sanalar
Futbol bo‘yicha 2024 yilgi Yevropa chempionati 14 iyundan 14 iyulga qadar bo‘lib o‘tadi. Yevropa birinchiligi tarixda ikkinchi bor Germaniyada o‘tkazilmoqda, 1988 yilgi turnir GFR tomonidan tashkillashtirilgandi. Bu safargi o‘yinlarga mamlakatning o‘nta shahri mezbonlik qiladi: poytaxt Berlin, shuningdek, Hamburg, Gelzenkirhen, Dortmund, Dyusseldorf, Kyoln, Leypsig, Myunxen, Frankfurt va Shtutgart.
Yevro-2024 o‘yinlari o‘tkazilishi belgilangan o‘nta stadiondan to‘qqiztasi oldin ham yirik turnirlarni o‘tkazishda foydalanilgan. 2006 yili ular futbol bo‘yicha jahon chempionatini qabul qilgan. Arenalardan birortasi bu safargi Yevro uchun maxsus qurilmagan.
Yevropa chempionati o‘yinlarini «Olimpiashtadion», «BVB-Shtadion», «Dyusseldorf Arena», «Frankfurt Arena», «Arena AufShalke», «Folksparkshtadion», «Kyoln Shtadion», «Leypsig Shtadium», «Alyans Arena», «Shtutgart Arena» stadionlari qabul qiladi.
Faqat «Dyusseldorf Arena» 2006 yilgi JChga mezbonlik qilmagandi. «Alyans Arena» (oldingi nomi «Myunxen Arena») unikal natija qayd etdi, chunki Myunxen Yevro-2020 o‘yinlari o‘tkazilgan 11 shahar qatorida bo‘lgandi. Shu tariqa, «Bavariya»ning uy stadionida qatorasiga ikkinchi bor Yevropa chempionati o‘yinlari o‘tkazilmoqda.
Yevro-2024 guruh bosqichi 14 iyunda boshlanib, 26 iyunga qadar davom etadi. Pley-off uchrashuvlari 28 iyun kuni, 1/8 final bosqichidan boshlanadi. Chorak final o‘yinlari 5 va 6 iyul, yarimfinallar — 9 va 10 iyul kunlariga belgilangan. Final 14 iyul kuni Berlindagi «Olimpiashtadion» arenasida o‘tkaziladi.
C guruhi jamoalari
Yevro-2024 C guruhidan Angliya, Daniya, Sloveniya va Serbiya o‘rin olgan.
Angliya avvalgi Yevropa chempionati finalchisi bo‘lgan, 2021 yil yozida «Uch sherlar» «Uembli» stadionida o‘tkazilgan hal qiluvchi bahsda Italiyaga penaltilar seriyasida mag‘lub bo‘lgandi. Yevro-2024 saralash turnirida inglizlar S guruhida asosiy raqobatchilari bo‘lgan Italiya va Ukrainani olti ochkoga ortda qoldirib, 20 ochko bilan birinchi o‘rinni egalladi. Sakkiz o‘yinda Garet Sautgeyt jamoasi olti g‘alabaga erishdi va ikki bor durang o‘ynadi. Angliya raqiblar darvozalariga 22 gol urib, o‘z darvozasidan atigi to‘rtta gol o‘tkazib yubordi.
Daniya — Yevro-2020 da bronza medallari sohibi bo‘lgandi, uch yil muqaddam ushbu jamoa yarimfinalda Angliyaga qarshi kechgan o‘yinning qo‘shimcha bo‘limlarida yutqazgandi. Saralashning H guruhida daniyaliklar 22 ochko bilan birinchi o‘rinni egalladi, xuddi shuncha ochko to‘plagan Sloveniya qo‘shimcha ko‘rsatkichlar hisobiga ortda qoldirildi (birinchi navbatda o‘zaro uchrashuvlar natijasiga qaralgan – 1:1, 2:1 ). Kasper Yulmann shogirdlari o‘n o‘yinda yetti g‘alabaga erishdi, bir bor durang o‘ynadi va ikki uchrashuvda mag‘lubiyatga uchradi, to‘plar nisbati 19-10.
Sloveniya 2000 yilda debyut qilganidan keyin Yevropa chempionatining final turnirlarida ishtirok etmayotgandi. Saralashning H guruhida bu jamoa faqat Daniyadan qo‘shimcha ko‘rsatkichlar bo‘yicha ortda qolib, ikkinchi o‘rinni egallagandi. Matyaj Kek jamoasi 10 o‘yindan 7 tasida g‘alaba qozondi, bir bor durang o‘ynadi va ikki bor mag‘lub bo‘lib, 22 ochko to‘pladi, to‘plar nisbati 20-9.
Serbiya Chernogoriya ajralib chiqishidan keyingi davrda ilk bor Yevroning final turniriga chiqqan. Saralashning G guruhida serblar Vengriyadan to‘rt ochkoga ortda qolib, 14 ochko bilan ikkinchi o‘rinni egallagan. «Oq burgutlar» sakkiz o‘yinda to‘rt bor g‘alaba qozongan, ikki bor durang o‘ynagan, yana ikki uchrashuvda yutqazgan. Dragan Stoykovich jamoasi 15 gol urib, to‘qqiz gol o‘tkazib yuborgan.
Angliya milliy jamoasining Yevro-2024 uchun tarkibi
Angliyaning yakuniy tarkibiga himoyachi Harri Maguayr («Manchester Yunayted»), yarimhimoyachilar Jyeyms Meddison («Tottenhem») va Kertis Jons («Liverpul»), forvard Jyek Grilish («Manchester Siti») kiritilmadi.
![](https://fazo.tv/wp-content/uploads/2024/06/2-2.jpg)
Darvozabonlar: Jordan Pikford («Everton»), Aaron Ramsdeyl («Arsenal»), Din Henderson («Kristal Pelas»).
Himoyachilar: Kayl Uoker, Jon Stounz (ikkisi ham — «Manchester Siti»), Lyuk Shou («Manchester Yunayted»), Mark Gehi («Kristal Pelas»), Kiran Trippiyer («Nyukasl»), Ezri Konsa («Aston Villa»), Lyuis Dank («Brayton»), Jo Gomes («Liverpul»).
Yarimhimoyachilar: Deklan Rays («Arsenal»), Trent Aleksander-Arnold («Liverpul»), Jud Bellinghem («Real»), Konor Gallaher («Chelsi»), Eberechi Eze, Adam Uorton (ikkisi ham — «Kristal Pelas»), Koul Palmer («Chelsi»), Kobbi Maynu («Manchester Yunayted»).
Hujumchilar: Bukayo Saka («Arsenal»), Harri Keyn («Bavariya»), Fil Foden («Manchester Siti»), Ivan Toni («Brentford»), Entoni Gordon («Nyukasl»), Olli Uotkins («Aston Villa»), Djarrod Bouen («Vest Hem»).
Sloveniya milliy jamoasining Yevro-2024 uchun tarkibi
![](https://fazo.tv/wp-content/uploads/2024/06/3-2.jpg)
Darvozabonlar: Yan Oblak («Atletiko», Ispaniya), Vid Belets (APOEL, Kipr), Igor Vekich («Vayle», Daniya).
Himoyachilar: Jan Karnichnik («Tsele»), Yure Balkovets («Alanyaspor»), Mixa Blajich («Lex»), Yaka Biyol («Udineze»), Erik Yanja («Gurnik» Zabjye), Petar Stoyanovich («Sampdoriya»), Vanya Drkushich («Sochi»), David Brekalo («Orlando Siti»).
Yarimhimoyachilar: Yon Gorens-Stankovich, Tomi Xorvat (ikkisi ham — «Shturm»), Benyamin Verbich, Adam Gnezda-Cherin (ikkisi ham — «Panatinaikos»), Sandi Lovrich («Udineze»), Timi Elshnik («Olimpiya» Lyublyana), Yasmin Kurtich («Zyudtirol»), Nino Jugel («Bude-Glimt»), Adrian Zelkovich («Spartak» Trnava).
Hujumchilar: Andraj Shporar («Panatinaikos»), Benyamin Sheshko («RB Leypsig»), Yan Mlakar («Piza»), Jan Vipotnik («Bordo»), Jan Tselar («Lugano»), Yosip Ilichich («Maribor»).
Daniya milliy jamoasining Yevro-2024 uchun tarkibi
![](https://fazo.tv/wp-content/uploads/2024/06/4-1.jpg)
Darvozabonlar: Kasper Shmeyxel («Anderleht»), Mads Hermansen («Lester»), Frederik Rennov («Union»).
Himoyachilar: Yoakim Andersen («Kristal Pelas»), Yannik Vestergor («Lester»), Simon Kiyer («Milan»), Yoakim Mele («Volfsburg»), Andreas Kristensen («Barselona»), Matias Yorgensen («Brentford»), Viktor Kristiansen («Bolonya»), Aleksander Ba («Benfika»), Rasmus Kristensen («Lids»).
Yarimhimoyachilar: Matias Yyensen, Mikkel Damsgor, Kristian Nergor (barchasi — «Brentford»), Tomas Dileyni («Anderleht»), Kristian Eriksen («Manchester Yunayted»), Andreas Skov Olsen («Bryugge»), Morten Yulmand («Sporting»), Per-Emil Heyberg («Tottenhem»).
Hujumchilar: Rasmus Hoylund («Manchester Yunayted»), Kasper Dolberg, Anders Dreyyer (ikkisi — «Anderleht»), Yonas Vind («Volfsburg»), Yussuf Poulsen («RB Leypsig»), Yakub Bruun Larsen («Byornli»).
Serbiya milliy jamoasining Yevro-2024 uchun tarkibi
![](https://fazo.tv/wp-content/uploads/2024/06/5-2.jpg)
Darvozabonlar: Predrag Raykovich («Malyorka»), Jorjye Petrovich («Chelsi»), Vanya Milinkovich-Savich («Torino»).
Himoyachilar: Straxinya Pavlovich («RB Zalsburg»), Nemanya Stoich («Bachka Topola»), Nikola Milenkovich («Fiorentina»), Nemanya Gudel («Sevilya»), Milosh Velkovich («Verder»), Srdjan Babich («Spartak» Moskva), Urosh Spaich («Tsrvena Zvezda»), Filip Mladenovich («Panatinaikos»).
Yarimhimoyachilar: Nemanya Maksimovich («Xetafe», Ispaniya), Dushan Tadich («Fenerbahche»), Filip Kostich («Yuventus»), Andriya Jivkovich (PAOK), Srdjan Miyaylovich («Tsrvena Zvezda»), Ivan Ilich («Torino»), Lazar Samarjich («Udineze»), Sergey Milinkovich-Savich («Al-Hilol»), Miyat Gachinovich (AYeK), Sasha Lukich («Fulhem»), Velko Birmanchevich («Sparta» Praga).
Hujumchilar: Dushan Vlahovich («Yuventus»), Luka Yovich («Milan»), Aleksandar Mitrovich («Al-Hilol»), Petar Ratkov («RB Zalsburg»).
C guruhidagi o‘yinlar taqvimi
16 iyun, yakshanba
21:00. Sloveniya — Daniya (Shtutgart)
00:00. Serbiya — Angliya (Gelzenkirhen)
20 iyun, payshanba
18:00. Sloveniya — Serbiya (Myunxen)
21:00. Daniya — Angliya (Frankfurt)
25 iyun, seyeshanba
00:00. Angliya — Sloveniya (Kyoln)
00:00. Daniya — Serbiya (Myunxen)
D guruhi jamoalari
2024 yilgi Yevropa chempionati D guruhidan Niderlandiya, Avstriya, Fransiya va Polsha milliy jamoalari o‘rin olgan.
2022 yilgi jahon chempionati kumush medallari sohibi bo‘lgan Fransiya Yevro-2024 saralashida B guruhida 22 ochko bilan birinchi o‘rinni egalladi, ikkinchi o‘rindagi Niderlandiya to‘rt ochkoga ortda qoldirildi. «Uchranglilar» sakkiz uchrashuvda yetti g‘alabaga erishib, bir durang qayd etdi (so‘nggi turda — Gretsiya bilan 2:2). Dide Desham jamoasi bu uchrashuvlarda 29 gol urdi va uch gol o‘tkazib yubordi.
Niderlandlar saralashda ham fransuzlar bilan bir guruhda qatnashgan va 18 ochko to‘plagandi. Ronald Kuman shogirdlari sakkiz o‘yinda olti g‘alabaga erishib, Fransiyaga qarshi ikki o‘yinda ham yutqazgan. «To‘qsariqranlilar» raqiblar darvozalariga 17 gol yo‘llagan va yettita o‘tkazib yuborgan.
Polsha saralashning E guruhida 11 ochko to‘plab, Albaniya va Chexiyadan keyingi uchinchi o‘rinni egalladi. «Oq burgutlar» sakkiz uchrashuvdan faqat uchtasida g‘alaba qozonib, ikki bor durang o‘ynadi, uch marta yutqazdi. Avvaliga Fernandu Santush boshchiligida saralashni juda yomon boshlagan polshaliklar Mixal Probej kelganidan keyin vaziyatni o‘nglashdi. Jamoa jami 15 gol urgan va 11 ta o‘tkazib yuborgan. Yevro-2024 final bosqichiga polyaklar o‘tish o‘yinlari orqali yo‘llanma olishdi — UYeFA Millatlar ligasi pley-offida Estoniya (5:1) hamda Uels (0:0, penaltilar bo‘yicha 5:4) mag‘lub etildi.
Avstriya saralashning F guruhida 19 ochko bilan ikkinchi bo‘ldi, Belgiya bir ochko ko‘proq jamg‘arib, birinchi bo‘ldi. Ralf Rangnik jamosi sakkiz o‘yinla olti g‘alabaga erishgan, bir martadan durang va mag‘lubiyat qayd etgan. Avstriyaliklar bu o‘yinlarda 17 gol urgan va 7 bor o‘z darvozasidan to‘p olib chiqqan.
Fransiya milliy jamoasining Yevro-2024 uchun tarkibi
![](https://fazo.tv/wp-content/uploads/2024/06/6-1-1024x580.jpg)
Darvozabonlar: Alfons Areola («Vest Hem»), Mayk Menyan («Milan»), Bris Samba («Lans»).
Himoyachilar: Jyul Kunde («Barselona»), Jonatan Kloss («Marsel»), Benjamen Pavar («Inter»), Ibraima Konate («Liverpul»), Vilyam Saliba («Arsenal»), Deotshankyul Upamekano («Bavariya»), Teo Ernandes («Milan»), Ferlan Mendi («Real»).
Yarimhimoyachilar: Yussuf Fofana («Monako»), Adriyen Rabio («Yuventus»), Uorren Zair-Emeri («PSJ»), Orelen Tchuameni, Eduardu Kamavinga (ikkisi ham — «Real»), Antuan Grizmann («Atletiko», Ispaniya), Ngolo Kante («Al-Ittihod»).
Hujumchilar: Bredli Barkola, Usman Dembele, Randal Kolo Muani (barchasi — «PSJ»), Kingsli Koman («Bavariya»), Olive Jiru («Los-Anjyeles»), Kilian Mbappe («Real»), Markus Tyuram («Inter»).
Niderlandiya milliy jamoasining Yevro-2024 uchun tarkibi
Kuman Yevro arafasida jarohat tufayli uch nafar yarimhimoyachidan ayrildi — «Atalanta» vakillari Marten de Ron va Ten Kopmeyners hamda «Barselona»dan Frenki de Yong.
![](https://fazo.tv/wp-content/uploads/2024/06/7-1-1024x580.jpg)
Darvozabonlar: Bart Verbryuggen («Brayton»), Yustin Beylo («Feyyenoord»), Mark Flekken («Brentford»).
Himoyachilar: Lutsharel Gertryuyda («Feyyenoord»), Matteys de Ligt («Bavariya»), Virjiyl van Deyk («Liverpul»), Natan Ake («Manchester Siti»), Stefan de Vrey, Denzel Dumfris (ikkisi ham — «Inter»), Jyeremi Frimpong («Bayyer»), Mikki van de Ven («Tottenhem»), Deyli Blind («Jirona»), Ian Matsen («Borussiya» D).
Yarimhimoyachilar: Xavi Simons («RB Leypsig»), Jorjinio Veynaldum («Al-Ittifoq»), Teyani Reynders («Milan»), Yoey Verman, Yyerdi Sxauten (ikkisi ham — PSV), Rayan Gravenberh («Liverpul»).
Hujumchilar: Vaut Veghorst («Hoffenhaym»), Memfis Depay («Atletiko»), Kodi Gakpo («Liverpul»), Doniell Malen («Borussiya» D), Brayan Brobbi, Steven Bergveyn (ikkisi ham — «Ayaks»).
Avstriya milliy jamoasining Yevro-2024 uchun tarkibi
![](https://fazo.tv/wp-content/uploads/2024/06/8-1-1024x580.jpg)
Darvozabonlar: Hayns Lindner («Yunion»), Niklas Hedl («Rapid» Vena), Patrik Pens («Brondbyu»).
Himoyachilar: Maksimilian Veber («Borussiya» M), Gernot Trauner («Feyyenoord»), Kevin Danso («Lans»), Stefan Posh («Bolonya»), Leopold Kverfeld («Rapid» Vena), Filipp Linhart («Frayburg»), Filipp Mvene («Mayns»), Flavius Danilyuk («RB Zalsburg»).
Yarimhimoyachilar: Nikolas Zayvald, Kristof Baumgartner (ikkisi ham — «RB Leypsig»), Aleksander Prass («Shturm»), Marsel Zabitser («Borussiya» D), Florian Grillich («Hoffenhaym»), Florian Kayns («Kyoln»), Romano Shmid («Verder»), Konrad Laymer («Bavariya»), Mattias Zaydl, Marko Gryull (ikkisi ham — «Rapid» Vena), Patrik Vimmer («Volfsburg»).
Hujumchilar: Marko Arnautovich («Inter»), Mixael Gregorich («Frayburg»), Andreas Vaymann («Vest Bromvich»), Maksimilian Entrup («Hartberg»).
Polsha milliy jamoasining Yevro-2024 uchun tarkibi
![](https://fazo.tv/wp-content/uploads/2024/06/9-1-1024x580.jpg)
Darvozabonlar: Voysex Shchensni («Yuventus»), Lukash Skorupski («Bolonya»), Marsin Bulka («Nitssa»).
Himoyachilar: Bartosh Salamon («Lex»), Pavel Davidovich («Verona»), Sebastyan Valyukevich, Bartosh Bereshinski (ikkisi ham — «Empoli»), Yan Bednarek («Sauthempton»), Yakub Kiver («Arsenal»), Timoteush Puxach («Kayzerslautern»).
Yarimhimoyachilar: Yakub Petrovski («Ludogorets»), Yakub Moder («Brayton»), Petr Zelinski («Napoli»), Kamil Grositski («Pogon»), Taras Romanchuk («Yagelloniya»), Damyan Shimanski (AYeK), Pshemislav Frankovski («Lans»), Sebastyan Shimanski («Fenerbahche»), Nikola Zalevski («Roma»), Bartosh Slish («Atlanta Yunayted»), Mixal Skuras («Bryugge»), Katsper Urbanski («Bolonya»).
Hujumchilar: Karol Sviderski («Verona»), Robert Levandovski («Barselona»), Adam Buksa («Antalyaspor»), Kshishtof Pyontek («Istanbul»).
D guruhidagi o‘yinlar taqvimi
16 iyun, yakshanba
18:00. Polsha — Niderlandiya (Hamburg)
17 iyun, dushanba
00:00. Avstriya — Fransiya (Dyusseldorf)
21 iyun, juma
21:00. Polsha — Avstriya (Berlin)
00:00. Niderlandiya — Fransiya (Leypsig)
25 iyun, seshanba
21:00. Fransiya — Polsha (Dortmund)
21:00. Niderlandiya — Avstriya (Berlin)
Yevro-2024 pley-offi setkasi: turnir formati
Yevro-2024 turnirining 24 ishtirokchisi oltita guruhga bo‘lingan, har bir guruhda to‘rttadan milliy jamoa bor. Bu safargi guruh bosqichida jami 36 o‘yin bo‘ladi. 1/8 finalga guruhlardan birinchi va ikkinchi o‘rin egalari to‘g‘ridan to‘g‘ri yo‘llanmaga ega bo‘ladi, shuningdek, olti guruhda eng yaxshi ko‘rsatkich qayd etgan to‘rtta uchinchi o‘rin sohiblari ham pley-offda o‘ynaydi. Eng yaxshi uchinchi o‘rinlarni aniqlash uchun guruh bosqichidagi natijalarga qaraladi. Quyida hisobga olingan mezonlar muhimlik darajasiga ko‘ra keltiriladi:
- to‘plangan ochkolar soni;
- urilgan va o‘tkazib yuborilgan gollar nisbati;
- urilgan gollar soni;
- g‘alabalar soni;
- «feyr-pley» bo‘yicha intizomiy ochkolar soni kamligi bo‘yicha (har bir sariq kartochkaga bir ochko, qizil kartochka yoki ikkinchi sariq kartochka bilan maydondan chetlatilishga uch ochko yoziladi);
- saralash turniridagi reyting.
Yevro-2024 pley-offi setkasi guruh bosqichidan keyin shakllantiriladi va 1/8 finaldan final o‘yiniga qadar qamrab oladi. Jamoalar har bir bosqichda bittadan o‘yin o‘tkazadi. Yevro-2024 g‘olibi 14 iyul kuni Berlinda o‘tkaziladigan final o‘yinida aniqlanadi.
Англия состави жуда кучли, лекин тренери ваще бумиди. Тренерни алмаштиришса, уже анча кубокла ютишарди
Франция ва Португалия асосий фаворитладан. Ман яна Нидерландыга этибор берардим
Италия ва Испанияга ишонч йук
Viva Ispaniya! Hammani qoyil qoldiradi!
Germaniya favorit. O’z davlatida o’tadi, katta imkoniyat ular uchun. Treneri ham kuchli
Menimcha Portugaliya yutadi, jamoa kuchli, zaxirada ham kuchli o’yinchilar bor, Bruno bilan Ronaldu kuchli turnir o’tkazishadi
Angliyaga men![heart](https://fazo.tv/wp-content/plugins/kama-wp-smile/packs/qip/heart.gif)
Forza Italiya!
Qachon boshlanadi o’yinlar?
Bugun nihoyat boshlanadi!!!!
Germaniya!
Bugun Shotlandiya yutib qolsa bormi, hammaga shok bo’lardi![laugh](https://fazo.tv/wp-content/plugins/kama-wp-smile/packs/qip/laugh.gif)
Hozircha barcha favoritlar yaxshi o’ynashyapti
Juda ko’p gollar bo’lyapti, juda yoqdi
Angliya chichib qo’yadi