Yoshlar terma jamoamiz Jahon chempionatida!

O`zbekiston yoshlar terma jamoasi 2013 yili Turkiyada bo`lib o`tadigan yoshlar o`rtasidagi jahon chempionati yo`llanmasini qo`lga kiritdi.

/>O`zbekiston terma jamoasi Osiyo chempionati chorak final o`yinida Suriya terma jamoasiga qarshi maydonga tushdib, asosiy va qo`shimcha vaqtda 2:2 hisobida durang o`ynadi. Asosiy vaqtda g`olib terma jamoa nomi aniqlanmadi, va futbolchilar yana o`yinga qo`shib berilgan har biri 15 minutdan ikki bo`lim to`p surishlariga to`g`ri keldi.

Qo`shimcha vaqtda ham tomonlar gol urishni uddasidan chiq olishmadi. Penal`tilar seriyasida omad Ahmadjon Musaev shogirdlariga kulib boqdi: Suriya terma jamoasi futbolchilari uchta imkoniyatdan birortasini golga aylantira olishmagan bo`lsa, O`zbekiston terma jamoasi vakillari – Vladimir Kozak, Sardor Sobirxo`jaev va Temur Hakimov nuqtadan o`zlariga ishnob topshirilgan imkoniyatdan unumli foydalanishdi, penal`tilar seriyasidagi hisob O`zbekiston – Suriya 3:0.

Musobaqa reglamentiga ko`ra, ushbu g`alabadan so`ng O`zbekiston yoshlar terma jamoasi nafaqat 2012 yilgi Osiyo chempionati yarim finali, balki 2013 yilda Turkiyada bo`lib o`tadigan jahon chempionati final bosqichi yo`llanmasini qo`lga kiritdi. Osiyo chempionati yarim final uchrashuvi 14 noyabr` kuni, Ras al-Xaymadagi «Emireyts» stadionida bo`lib o`tadi. Ushbu o`yinda Eron – Janubiy Koreya juftligi g`olibi O`zbekistonga raqib bo`ladi.