Yoshlarimiz chorak finalda (+video)

Gretsiya – O`zbekiston 1:3 va yoshlarimiz chorak finalda! Barchani ajoyib g`alaba bilan tabriklaymiz!

medium;”>Turkiyada yoshlar o`rtasida bo`lib o`tayotgan Jahon chempionati nimchorak finalida, yoshlarimiz Gretsiya yoshlar terma jamoasi bilan kuch sinashdi. Aytib o`tish kerakki bu o`yinda yoshlar terma jamoamizda ko`p yo`qotishlar bo`ldi. Asosiy ikki markaziy himoyachilarimiz keyingi uchrashuvda ishtirok etishaolishmaydi. Shunga qaramay o`yin juda qizziqarli tarzda o`tdi.

O`yinda hisobni vakillarimiz ochishdi. Birinchi bo`lim 26-daqiqasida Vladimir Kozakning raqib jarima maydonchasiga kutarib bergan to`pini Abbosbek Maxstaliev ajoyib tarzda raqib darvozasiga joylab qo`ydi. Oradan ko`p o`tmay, aniqrog`i 33  daqiqaga kelib hisob 1:1 ko`rinishiga keldi. Bu gal Gretsiya yoshlar terma jamoasi vakili Stafilidiz  darvozamizga belgilangan 11 metrlik jarimadan unumli foydalandi. Birinchi bo`lim 1:1 hisobida yakunlandi.

Ikkinchi bo`limda ikkala terma jamoa ham tashabbusni o`z qo`llariga olishga harakat qilishdi. Lekin bu gal omad bizning yoshlarimiz tarafida edi. O`yinning 62 daqiqasiga kelib Igor Sergeev raqib darvozasiga belgilangan 11 metrlik jarima to`pini gol bilan yakunladi. Hisob 1:2, yoshlarimiz oldinda. Vakillarimizni quvontirgan yana bir vaziyat o`chrashuvning 83 daqiqasida yuzaga keldi. Bu gal ham Gretsiya posboni qo`riqlayotgan darvozasi tomon 11 metrlik jarima to`pi belgilandi. Bu gal esa Sardor Rahmonov penal`tini amalga oshirdi va hisob 1:3.

O`yin 1:3 hisobida yakun topdi. Keyingi o`yinni yoshlarimiz chorak finalda Frantsiya – Turkiya juftligi g`olibi bilan kuch sinashadi. Charok finalda omad vakillarimiz tomonida bo`lishini tilab qolamiz. Yoshlarimizga omad!