10001 usul

Insoniyatning hayoti juda ham qiziqarlidir. Mana dunyoga kelibmizki hayotning past va balndliklariga to`qnash kelamiz.  Insonning hayoti turg`un emas. U xuddi tog`dagi balandliklaru, cho`ldagi qumlik tekisliklariga o`xshaydi. Hayotimizda turli xil vaziyatlar, xursandchilik damlari, rivojlanishlar, muvaffaqiyatlar va shuningdek  hayotimizda inqirozlar,mag`lubiyatlar va muvaffaqiyatsizliklarxam bo`lib turadi.

Muvaffaqiyatsizlik va mag`lubiyatga uchraganimizda shuncha qilgan mehnatimiz va hatti xarakatlarimiz xammasi bekor ekanligini ko`rib, tushkinlikga tushamiz va umidimiz so`nadi. Aksariyat hollarda biz butun e`tiborimizni o`zimizning  muvaffaqiyatsizligimizga va mag`lubiyatimizga qaratamiz. Lekin hech o`zingizga savol berganmisiz. “Men shu muvaffaqiyatsizlik va mag`lubiyat orqali nima o`rgandim?”

Statistik ma`lumotlarga ko`ra insoniyat o`tib ketgan voqealar, xatolar va kamchiliklar xaqida 80% fikrlar ekan. Kelejak xaqida, esa atiga 20%gina fikrlar ekan.

Dar xaqiqat biz ishimizdagi, biznesimizdagi yoki hayotimizdagi muvaffaqiyatsizliklar va mag`lubiyatlarga shunchalik ko`p e`tibor qilishimiz shartmikan? Balkim hayotimizdagi xatolar va muvaffaqiyatsizliklar xaqi 20%  fikirlab, shu muvaffaqiyatsizlik va  xatolarni  takrorlamaslik uchun 80% e`tiborimizni qaratishimiz yaxshiroq emasmikan?

1880 yilda Mashxur Olim Tomas Edison texnologiya tarixida juda katta o`zgartirish kiritdi. U ilk bor lampochkani yaratdi. Edison lampochka yaratishda 10000 marta xarakat qilgan lekin barchasi samarasiz bo`lgan. Ko`pchilik uning izlanishini va yaratmoqchi bo`lgan ixtirosini ahmoqlik deb aytishar edi. Lekin Edison bunday gap so`zlarga qaramasdas izlanishda  davom etdi. Faqatgani 10001 marta qilgan xarakati unga samara olib keldi. Edison lampochkani yaratish uchun to`g`ri yo`lni topdi. O`sha vaqtda undan so`rashdi: “Nege sen xammasini tashlamading, axir sen 10000 marta muvaffaqiyatsizlikga uchradingku”. U shunday javob berdi: “Men lampochkani yonmaslikning 10000 usuluni ko`rib chiqdim xalos”.

Hayotingizda biron bir ishni 10001 marta qilib ko`rganmisiz?  Nima uchun biz izlanishdan to`xtashimiz kerak?  Nima uchun biz o`tgan xatolarimizga qarab afsus chekishimiz kerak? Hamma ham xato qiladi. Birdaniga muvaffaqiyatga erishishimiz qiyin. Bu xatolar  aksincha bizga nimani o`rgatdi? Shu xatolar va kamchiliklarning samarasi bizga nima berdi? Endi kelajakda shu xato va kamchilikni qilmaslik uchun qanday yo`l tutishimiz zarur? Xalqimizda bir naql bor: “Intilganga Tole yor”

Men bir xaqiqatga aminmanki, sabr-qanoat  tajribakorlikni, tajribakorlik esa umidni hosil qiladi. Umid esa bizga kelajakga ishonch va hayotga bo`lgan intilishni tug`diradi. Shunday ekan, oldinga intilishimiz va harakatimizni susaytirmaylik. Hayotingizdagi chin yurakdan qilgan barcha  xatti xarakalaringiz va intilishlaringiz samarasiz qolmaydi.